Ebera 13:15 - Te B'aib'ara

¹⁵ Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

Ebera 13:15 ပူးပေါင်းရင်းမြစ်များ

2.Rongorongo 29:31

Ao e taku Etekia nakoia aomata, “Ao ngkai kam a manga itiaki i matan te UEA, uoti mai taiani karea ao taian angab'ai i bukin anganakina b'a kaaitauana.” A karaoi baikai aomata, ao tabeman mai buakoia a anga nanoia ni uoti taiani man b'a ana kareanaki.

2.Rongorongo 33:16

Ao i mwiina, e onob'aia ana baonikarea te UEA ao e anga karea ni kaaitaua ao te karea naba i bukin bubutiana ana kakab'aia. E anga ana taeka nakoia aomata ni kabane i Iuta b'a a na riai n taromauriia te UEA ae Atuan Iteraera.

2.Rongorongo 7:6

Ao a bane n teirake aomata i nanon tain te botaki. Ao a bane ni mena taian ibonga n aia tabo ake a tia n anganaki, ni katangi taian buu. A kaaitaraaki irouia kanoan Rewi, ni katangi taian b'ai ni katangitang ake e a tia ni karaoi Tawita b'a a na kamanenaaki i bukin neboakin te UEA i bukin ana tangira ae akea tokina.

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Neemia 12:40

bon raora naba iteraia taani kairiiri n te m'akoro are I mena iai, ao ti tei i matan te tembora ma taiani m'akoro ake tabeua n neboa te Atua.

Neemia 12:43

E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

Taian Areru 118:19

Kauka nako iu mataroan te motikitaeka ae eti N na rin man tuanga te UEA; arou n anganna katituaraoana!

Taian Areru 119:108

Te UEA, butim'aea au karea ae b'anaau ni katituaraoiko, Ao reireiai am Tua.

Taian Areru 18:49

Ma ngaia ae N na karaoiroiko, te UEA i buakoia botannaomata, Ao N na anene ni kamoamoako.

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 50:23

Ane kareana te katituaraoi ao e karineai, Ao N na kamaiua ane ongeaba nako iu.

Itaia 57:19

koraki aika a tang E aoria ngkana ko mena iai, N na kamaiuko Ngai ae te UEA ao N na anganiko te rau.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 33:18

ao a teimatoa n reke ibonga man kanoan Rewi aika a na m'akuri n te baonikarea ao a na anga karea i bukin kakukureiau ao karab'aakiu.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Nakoaia Ibonga 7:12

Ngkana arona b'a iai te m'aane ae e karaoa te karea aei b'a te karea ni kaaitau nakon te Atua, ao e na riai ni kaotia, n reitaki ma te man are e na kareanaki, te angab'ai are te kariki are e aki itinaki: e konaa n ae te kariki are e mmani ae e karaoaki man te buraawa ae e renganaki ma te oera, ke te berena ae e bururuaki aona n te oera, ke te keeke ae e karaoaki n te buraawa ae e renganaki ma b'aan te oriwa.

Warekaia Iteraera 7:62

teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Ruka 10:21

N te aoa naba arei, ngke E kairaki Iesu ni m'aakan te Tamnei are Raoiroi, ao E kakatonga ao E kangai, I karaoiroiko Tamau, ae Ueani karawa ma aonnaba, b'a Ko a tia ni karabai baikai mairouia akana rabakau ma akana wanawana, ao Ko kaotii nakoia akana merimeri; eng, Tamau b'a aei aron nanom n akoi.

Ioane 10:9

Boni Ngai te mataroa; ngkana e rin te aomata irou, ao e na kamaiuaki: e na rin ao e na oti nako, ao e na karekea kanana.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 6:19

I taetae n ai aroia aomata i bukini mamaran ami atatai; b'a aromi ngke kam anga b'ain rab'atami ngkoa b'a kaanga ana toro te kammaira ma te akiako n akea tuaami iai, ao ai aromi naba ngkai, b'a kam na anga b'ain rab'atami b'a tooro i bukini karaoan te eti, b'a kam aonga n riki b'a ana aomata ni koaua iai te Atua.

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

I-Korote 1:12

ao b'a kam na katituaraoa te Tama, are karaoingkami b'a kam na tau ni karekea tib'angami n te baere E a tia ni kawakinna te Atua b'a aia b'ai ana aomata aika itiaki ake n te oota.

Ebera 12:28

Ma ngaia aei, ngkae e a reke i roura te abanuea ae aki konaki ni kam'aeieiaki, ao ti riai ni kaitau ma n taromauria te Atua n te aro ae E na kukurei iai, ao ni kaota te karinerine ma te maaku;

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.