Ebera 12:27 - Te B'aib'ara

²⁷ Ao te taeka ae kangai, Ti teuana riki, e kaota kamaunaani baike a kam'aeieiaki b'a kanga baika karaoaki, b'a a aonga n teimatoa n tiku baike a aki konaki ni kam'aeieiaki.

Ebera 12:27 ပူးပေါင်းရင်းမြစ်များ

Itaia 34:4

A na mauna nako taian itoi n tatabeua nako ao e na rukumaki karawa kaanga te niira ni boki. A na m'au ao n rai b'ai ni karawa kaanga baan te oriwa aika a rai ke taian uanikai i aon te aroka.

Itaia 54:10

A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Itaia 65:17

E taku te UEA, N na king karaoa te aonaaba ae boou ma karawa aika a boou. A na m'anuokinaki b'aini ngkoa.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Etekiera 21:27

N na katuka Ierutarem b'a e na urubekebeke ngkana e roko teuare e rineaki b'a e na katuaaea te kaawa aei.

Akai 2:21

Ko na tuanga te kowana i Iuta b'a N nang ioioi taiani karawa ao te aonnaba

Mataio 24:35

A na mauna karawa ma aonnaba, ma a na aki kona ni mauna au taeka.

I-Rom 8:19

B'a b'aai ni kabane aika karikaki a tiku ma te ingainga ni kakantaninga te Atua are E na kaotia b'a antai aika bon natina.

I-Rom 8:21

b'a a na kainaomataki man te mka are a na bane n roko iai, ao a na karekea te aro n inaomata ae akea n ai arona are aia b'ai natin te Atua.

1.I-Korinto 7:31

ao ake a tabe ma b'ain te aonnaba aei, b'a aongkoa a aki kabanebuakai aia tai iai. B'a te aonnaba aei, n arona ae ngkai, e na aki maan ao e na mauna.

Ebera 1:10

Ao E kangai naba, “Ngkoe, te Uea, Ko kawenea aan aonnaba i m'ain rikini b'aai, ao Ko karaoa karawa ni baim.

Ebera 13:14

B'a akea i roura ikai te kawa ae tei maan n aki toki; ma bon iai ae na roko, ae ti ukoukoria.

Ebera 9:11

Ma E a tia n roko Kristo b'a te Ibonga ae Kakannato i bukini baika raraoi aika kamani mena ikai, ao E nako n ri nukan te um'anrianna ae kakannato riki ma n raoiroi riki, ae e aki karaoaki ni bain te aomata, ao tiaki b'ain aon te aba;

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 21:1

Ao I nora karawa ae boou ma aonnaba ae boou; b'a e a tia ni mauna te moa ni karawa ma te moa n aonnaba, ao ai aron naba marawa.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Te Kaotioti 21:5

Ao E kaangai Teuare tekateka i aon te kaintokanuea, “Noria, I a karaoi b'aai ni kabane b'a b'aai aika boou. Ao E kaangai naba, Ko na koroi baika I a tia n taekin; b'a a koaua taeka aikai ao a onimakinaki.”