Ebera 12:22 - Te B'aib'ara

²² Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Ebera 12:22 ပူးပေါင်းရင်းမြစ်များ

2.Uea 19:4

Taiaoka tataro i bukira ngaira aika nikira ni maiu. E kanakoa ana taanga ni buaka uean Aturia b'a e na kakaewenakoa te Atua ae e maiu. E na mena ngkoa ao E ongo te UEA te b'ai ae e taekinna ao E na karaoa te b'ai teuana, ngkana ko tataro.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 42:2

E korakora tangiram irou, te Atua ae ko maiu. N ningai ae N na roko iai i matam n taromauriko?

Taian Areru 48:2

E rietaata ao e tamaroa Tion, ae ana maunga te Atua; ana kaawa te uea ae kakannato ao e kakukurei nakoia aomata nako i aonnaba.

Taian Areru 68:17

E roko mai Tinai te Uea ma ana ka ni buaka aika m'aiti kurikuri aika katikitikaki irouia aoti, Ao E rin nako nanon te tabo are tabu.

Taian Areru 84:2

Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

Taian Areru 87:3

Ana kaawa te Atua, ko na ongora n taekam aika kamimii mai Rouna:

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 14:32

Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Itaia 51:16

I a tia n tuangngkami te b'ai ae kam na taekinna, ao N na teimatoa ni kamaiungkami i nanoni baiu. I taakina nako taiani karawa ao I kawenei aan nako te aonnaba. Ao ngkai I kaangai, “au Aomata kaain Ierutarem.”

Itaia 59:20

Boni Ngai ae te UEA ae I a tia ni berita b'a N na kamaiua te kaawa are Tion ao ana kariki Iakob'a ake a rairaki man aia bure.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 17:25

ao ane e na tautaekanaki n taai nako Ierutarem ma Iuta irouia uea aika man kanoan Tawita. Ane a na rin man mataroan te kaawa aikai te uea ma ana mataniwi i aon taian aoti ke i aon taiani kaanibuaka, ao a na raonaki irouia kaain Iuta ma Ierutarem. Ane a na maeka n taai nako aomata i Ierutarem,

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mataio 5:35

ao tai m'anewea aran aonnaba, b'a nneni katokaani waena; ke aran Ierutarem b'a ana kawa te Uea are kakannato.

I-Rom 11:26

B'a n te aro aei, ao a na kamaiuaki kaain te botannaomata ae Iteraera ni kabaneia, n ai aron are koreaki ni kaangai: “Ane E na nako mai Tion te Tia Kamaiu E na kaaki te buakaka mairouia ana kariki Iakob'a.

I-Rom 9:26

ao n te tabo are e taekinaki iai ae kaangai nakoia, ‘Tiaki au aomata ngkami,’ ao a na atongaki naba iai b'a natin te Atua ae maiu.”

I-Karatia 4:26

Ma te Ierutarem are i Karawa e inaomata, ao bon tinara.

I-Ebeto 2:19

Ma ngaia ae tiaki aomata aika ianena ngkami ngkai, ao tiaki naba aomata aika kam maeka n iruwa; ma aomata ngkami aika kam a riki b'a kanga kaain te aba ni koaua, n raoniia ake a itiaki, ao kam a riki naba b'a kaain ana utu te Atua.

Te Tua-Kaua 33:2

E roko te UEA man te Maunga are Tinai E anga te oota mai Etom nakoia ana Aomata, ao e oota nako mimitongina man te Maunga are B'aran. Teuana tengaa Ana tautia aika raona, ao te ai i baina are te angaatai.

Te Tua-Kaua 5:26

Iai aika a tia n ongo b'anaan te Atua ni koaua man te ai n ai arora? Ao ngkana a tia, a kona n teimatoa ni maiu ma n tataekinna?

I-Biribi 3:20

B'a I-Karawa ngaira, aika ti kakariaria te Tia Kamaiu, are te UEA are Iesu Kristo b'a E na roko mai karawa;

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

Ebera 10:31

Te b'ai ae kakamaaku te b'akara nanoni bain te Atua ae maiu.

Ebera 11:10

B'a Aberaam e kaantaninga te kawa are iai aana ae teimatoa, ae te kawa ae iangoaki arona iroun te Atua ao Ngaia naba ae kateia.

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Ebera 13:14

B'a akea i roura ikai te kawa ae tei maan n aki toki; ma bon iai ae na roko, ae ti ukoukoria.

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

Iuta 1:14

Ao Enoka, are te kaitiman n aomata mai mwin Atam, e taetae naba i bukiia te koraki aei ni kangai: kanoa aika bane ni kaoti mairoun Atam, ake a kaman taetae ni burabetiaki i bukiia: “Noria, E nako mai te Uea ma ana koraki n anera ake a itiaki aika reebu m'aitiia

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.

Te Kaotioti 21:10

Ao e kairai nakon te maunga ae ab'ab'aki ae rietaata, ngke I mena i aani m'aakan ana kairiri te Tamnei; ao e kaota te kaawa are tabu are Ierutarem nako iu ngke e tabe n ruo mai karawa mairoun te Atua, ao e raneanea n raneanean te oota are nako mairoun te Atua;

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.

Te Kaotioti 22:19

ao ngkana iai te bae e kamaunaa te aomata man taeka ni burabeti n te nira ni boki aei, ao te Atua E na anaa mai rouna tib'angana n te kai ni maiu ao man te kaawa are tabu, ake a koreaki taekaia n te niira ni boki aei.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.

Te Kaotioti 7:2

Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.