Ebera 12:15 - Te B'aib'ara

¹⁵ Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 12:15 ပူးပေါင်းရင်းမြစ်များ

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

Te Otinako 32:21

E titirakina Aaron Moote ni kaangai, “Tera ae ko maakuia iai aomata aikai n te aro are ko a ira nanoia ni karaoa te bure ae moan te buakaka aei?”

Taeka n Rabakau 4:23

Karaua raoi kaawakin am iango b'a bon anne boton te maiu ni koaua.

Itaia 5:4

Tera riki ae N na konaa ni karaoia nakon au nne n aroka ni kureebe? I kaantaningai kureebe aika a karewerewe, ma ai tenaan kureebe aika a maai aika a maiu i nanona ni kabane.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Ieremia 2:21

Bon te kureebe ngkoa ngkami aika kam rineaki, ma ngkai a akea te b'ai ae e na reke iroumi ma ai ti taian kureebe aika a uarereke aika a buakaka.

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

1.I-Korinto 10:12

Ma ngaia aei, b'a ane taku n ana iango b'a e tei matoa, ao e na tarataraia b'a e kawa ni b'aka.

1.I-Korinto 13:8

E aki kona ni mauna te tangira; ao ngkana iai taetae ni burabeti, ao a na kamaunaki; ao ngkana iai taetae aika a aki ataaki nanoia, ao a na bon toki; ao ngkana iai te atatai, ao e na kamaunaki naba.

1.I-Korinto 15:33

Kam na tai burebureaki. “Aaro n i raorao aika buakaka a uru aroaro aika riai.”

1.I-Korinto 5:6

E aki raoiroi b'a kam na kamoamoa. Kam aki ata te iiti ae ti teutana b'a e kona ni karikirakea te buraawa are na karikaki?

2.I-Korinto 13:5

Kam na kataingkami ao kakoauaingkami b'a kam bon onimaki ni koaua. Kam aki ataia b'a E mena Iesu Kristo i nanomi? ma E aki mena i nanomi ngkana kam a tia ni kataingkami ao kam kakoaua b'a kam aki onimaki ni koaua.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

I-Karatia 2:13

Ao I-Iutaia ake raona a karaoa naba are e karaoia Betero, ni karaoan are a ataia b'a a aki riai ni karaoia; ma ngaia are e anaaki naba nanoni B'arenaba n are a karaoia, ao e katotongiia.

I-Karatia 5:4

Kam a raure ma Kristo, ngkami aika kam taku b'a e reke reitakimi ma te Atua n te Tua; kam b'aka man te akoaki.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

Te Tua-Kaua 29:18

Ma ngaia are, kam riai ni kakoaua raoi b'a a bon kakaonimaki kaain ami baronga nako nakon te UEA ma n aki tataromauri bouanantin botannaomata tabeua. Ngkana iai mai roumi ae taromauri taian bouananti, ao kam na riki b'a kaanga wakaan te aroka ae rangi ni mao, ma ni kamaamate uaana.

Te Tua-Kaua 32:32

Bon taian kureebe ara kairiribai aika nene wakaaia ni katawanangin Tootom ao Komora. A kariki kureebe aika rangi ni mao ni kamaamate;

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

Tito 1:15

A bane n itiaki b'aai nakoia akana itiaki; ma akea te b'ai ae itiaki nakoia akana kam'ara i bukin aia bure ma akana aki onimaki, b'a a uaia ni kam'ara nanoia ma mataniwin nanoia.

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.

Ebera 4:1

Ma ngaia aei, ngkai ti anganaki te taeka n akoi i bukin te rin i nanon ana motirawa te Atua, ao ti na taraia raoi b'a e kawa ni kuneaki temanna i buakomi b'a e aki tau n rin iai.

Ebera 4:11

Ma ngaia ae ti na kakorakoraira ni kan rin i nanon te motirawa arei, b'a e kawa temanna ni b'aka, ni katotongiia te koraki arei i bukin aia aki ongeaba.

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

Iotua 6:18

Ma bon akea b'ain te kaawa aei ae kam na anaia b'a a na bane ni kamaunaaki; ngkana iai te b'ai teuana ae kam anaia ao bon iai te kabuanib'ai, ao te urub'ai ae e na reke nakoia aomatan Iteraera ni kabane.

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

2.Betero 3:11

Ma ngaia aei, ngkai a nangi mauna nako aroni b'aai ni kabane n te aro aei, ao aaro ra aromi aika riai b'a kam na maeka n itiaki iai, ao n reitaki ma te Atua,

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

2.Ioane 1:8

Kam na tarataraingkami b'a kam na tai kabuai baike kam m'akuri i bukiia; ma kam na karekei kaniwangami aika b'anin raoi.