Ebera 12:14 - Te B'aib'ara

¹⁴ Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Ebera 12:14 ပူးပေါင်းရင်းမြစ်များ

Karikani B'aai 32:30

Ao e taku Iakob'a, “I a bon tia n noora te Atua n itaramata raoi ma Ngaia, ao I boni maiu naba.” Ma ngaia are, e arana te tabo arei b'a Beniera.

Iobi 19:26

E ngae ngke e a tia kuniu aei ni kanaki n te aoraki ma N na bon noora naba te Atua i nanon rab'atau aei.

Iobi 33:26

E na ongo te Atua i rouia ngkana a tataro; A na taromauriia te Atua ma te kukurei; E na manga kanakoraoi b'aai te Atua i bukiia.

Taian Areru 120:6

I a tia n rangi ni maan ni maeka ma aomata aika ririiba te raoi!

Taian Areru 133:1

Ai raoiroira ao ai rerei ra ngkana a maeka ni bootaki aomata n ai aroia taari!

Taian Areru 34:14

Taan nako man te buakaka, Ao karaoa ae e raoiroi. Kekeiaki ni b'aina te rau ni maium.

Taian Areru 38:20

A riki b'a aiau akana kaboa te raoiroi n te buakaka, I bukin au kekeiaki ni kani karaoa ae eti.

Taian Areru 94:15

E na manga noraki te kaetitaeka ae e raoiroi ni b'ainaki n te kabowi, Ao e na boutokaki irouia aomata akana raoiroi.

Taeka n Rabakau 15:1

E karaua te nano ae e un te kaeka ae e nanorinano, ma a kakiriweea te nano taeka aika a kaebuebu.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Taeka n Rabakau 17:14

Moanakin te kauntaeka kaanga ai aron te raran ni nnen te ran ma ngaia are, waekoa katokia i m'aain ae e nang bon riki raoi te uruaki.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Mareko 9:50

E raoiroi te taoro, ma ngkana e a bane taorona, ao ko na iranna ni karaoia b'a e na manga reke taorona? B'aina te taoro n i-raorao i marenami, ao kam na maeka ma te rau i marenami.”

Ruka 1:75

N te itiaki ma te raoiroi i matana i nanoni boong ni kabane ake ti maiu iai.

I-Rom 12:18

Ngkana kam konaa, ao karaoi b'aai ni kabane aika kam na kona iai ni maeka n rau ma aomata ni kabaneia.

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

I-Rom 6:22

Ma ngkai kam kainaomataki man te bure, ao kam riki b'a ana toro te Atua, ao iai mwina nakoimi b'a te riki b'a ana aomata ni koaua te Atua, ao tokina b'a te maiu are aki toki.

1.I-Korinto 1:10

I bubutingkami, taari, n aran ara UEA are Iesu Kristo, b'a kam na kaboraoi nanomi. A na akea te i kakaiwi i marenami, ma kam na reitaki n te nano ae ti te arona, ao n te kaantaninga ae ti te arona.

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Karatia 3:21

E ekinakoaia nako ngkanne ana taeka n akoi te Atua te Tua? E bon aki; b'a ngke arona b'a e anganaki te aba te tua ae kona te kakamaiu, ao a kona ngkanne n reke reitakiia aomata ni kabaneia ma te Atua n iran nanon te tua anne.

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

I-Biribi 3:12

I aki taku b'a e a tia n reke i rou are I uaiakinna, ao I aki taku b'a I a kororaoi n te raoiroi. Ma I kakorakorai ni biri b'a I aonga n taua te kaniwanga, b'a ngaia aei bukin are E karikai iai Kristo Iesu b'a ana b'ai.

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

1.I-Tetaronike 4:7

B'a E aki weteira te Atua nakon te maiu ni kammaira, ma E weteira b'a ti na b'aina te maiu ae itiaki.

1.I-Tetaronike 5:15

Kam na taraia b'a akea temanna ae na karaoa ae buakaka nakon temanna i bukina ngke te aomata arei e a tia ni karaoa ae buakaka nako ina; ma kam na ukoukora ae raoiroi i bukimi n taai nako, ao i bukiia naba aomata ni kabaneia.

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

Ebera 12:10

A reireiniira ni kaeti arora tamara aika taman rab'atara i nanon tabe bong n ai aron are a taku b'a e raoiroi i roura; ma te Atua E reireiniira b'a e bongana i bukira, b'a ti aonga ni buokanib'ai ni maiuna ae itiaki man te bure.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 3:11

E na kitana te buakaka, ao e na kakaraoa ae e raoiroi; E na ukoukora te raoi, ao e na kekeiaki m'aaka nako iai.

1.Betero 3:13

Ao antai ae na kaikoakingkami ngkana a korakora nanomi ni kani karaoa ae e raoiroi?

2.Betero 3:11

Ma ngaia aei, ngkai a nangi mauna nako aroni b'aai ni kabane n te aro aei, ao aaro ra aromi aika riai b'a kam na maeka n itiaki iai, ao n reitaki ma te Atua,

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

3.Ioane 1:11

Ngkoe ae ko tangiraki, ko na tai kakairi n te m'akuri ae buakaka, ma ko na kakairi n te m'akuri ae e raoiroi. Ane karaoa ae e raoiroi ao boni mairoun te Atua; ane karaoa ae buakaka ao e tuai n nora te Atua.

Tani Motiki-taeka 11:14

Ao e a manga kaoka ana taeka Iebeta nakon uean Ammon,