Ebera 11:38 - Te B'aib'ara

³⁸ a aki tau nakon te aonnaba aei: a tiotio nako n rereua, ao i aoni maunga, ao i nanoni b'angani matang ma kinonon te aba.

Ebera 11:38 ပူးပေါင်းရင်းမြစ်များ

1.Uea 17:3

Ko na nako n ri aon te karaanga are te Ioretan, n te aro are ko na konaa ni karabako i rarikin Karaangan Kerita ae e uarereke.

1.Uea 18:13

Boni ngai naba are I karabaia tebubua ana burabeti te UEA n te nangananga ni b'a ngke e kataia Nei Ietebera n tiringiia. I bon anganganiia naba kanaia ma nimaia.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 19:9

ao e a kangainaa ikekei i nanon te nangananganib'a. Ao ngke e mena Eria i aon te Maunga are Tinai, ao E a titirakinna te Atua ni kaangai, Eria, e aera ngkai ko nako mai?

Itaia 57:1

A uaakinaki nako ma n tiringaki ana Aomata te Atua aika a kakaonimaki, ao bon akea temanna ae e tabe iai. A kamaunaaki n te buakaka,

Ieremia 41:9

Te m'anib'a are a kaakarenako ia aia mate iai bon te m'anib'a ngkoa are e kenaki i roun Uean Iuta are Ata i bukin nnen te karau, b'a e maaku ngkoa ngkana e roko te Uea are B'aatia are uean Iteraera ni katobibia Mitib'a man tauia aomata i nanona b'a a na aki karekea aia ran.

Tani Motiki-taeka 6:2

Ao a rangi ni buakaka aroia kaain Miiria nakoia Iteraera, ma ngaia are, a birinako Iteraera nakon te naani maunga ni karabaia n te naan nangananga ni b'a.

1.Tamuera 22:1

Ao e a manga biri nako Tawita nakon te aba are Kata ao e nakon te nangananga ni b'aa are i rarikin te kaawa are Aturam. Ao ngke a ongo tarina nako ao ana utu ni kabane b'a e a mena ikekei, ao a nako n raonna.

1.Tamuera 23:15

E ataia Tawita ae e ukoukoraki ngkai iroun Tauro b'a e na tiringnga. E mena Tawita i Oreti n te rereua are i rarikin Tiba.

1.Tamuera 23:19

Ao a nako tabeman mai Tiba nakon Tauro i Kibea ao a taku, “Are e karabaa Tawita i aban Oreti n te Maunga are Akira, ni m'akoron rereuan Iuta are i maiaki.

1.Tamuera 23:23

Kakaaea raoi te tabo are e boni karabaa iai, ao kakoauaa raoi b'a kam na kaongoai raoi rongorongona ni kabane. Ao i mwiina, N na iringkami, ao ngkana e bon mena n te aono anne, N na kam'anea, e aoria ngkana N na kakaaea ni kabutaa aon aban Iuta ni kabane.”

1.Tamuera 26:1

Ao a roko tabeman mai Tib'a ni kawara Tauro i Kibea ao a tuangnga b'a e karabaa Tawita i aon te Maunga are Akira i mataniwiin rereuan Iuta.