Ebera 11:37 - Te B'aib'ara

³⁷ A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;

Ebera 11:37 ပူးပေါင်းရင်းမြစ်များ

2.Tamuera 12:31

Ao e kam'akuriia kaain Rab'a Tawita b'a a na urua oon te kaawa n taian beke ao taian tanai aika taiani biti, ao e a manga tuangiia b'a a na karaoi taiani buriki. E karaoa naba te aro arei nakon kaawan Ammon ni kabane. E a manga okira Ierutarem Tawita, ao a okiri mwengaia nako Iteraera.

1.Uea 18:13

Boni ngai naba are I karabaia tebubua ana burabeti te UEA n te nangananga ni b'a ngke e kataia Nei Ietebera n tiringiia. I bon anganganiia naba kanaia ma nimaia.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 19:1

Ao Aaba e tuanga Ietebera b'aai ni kabane ake e karaoi Eria ao arona n tiringiia ana burabeti B'aara.

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 19:13

Ao ngke e ongo Eria, ao e karabai matana n ana kunnikai. Ao e otinako ao e tei i matan te nangananganib'a, ao E taku te UEA nakoina, “Eria, e aera ngkai ko nako mai?”

1.Uea 19:14

Ao e taku Eria, “Te UEA ae Moan te M'aaka, I aki toki ni kaakaraoa kabaneani korakorau n ongongotaeka iroum. Ma a tia am Aomata n urui aia berita nakoim. A tia n urui am baonikarea ao a tiringiia am burabeti, ao bon ti nikiraia ngai. Ao ngkai ae a boni kataia naba n tiringai.”

1.Uea 19:19

Ao e nako Eria, ao e noora Eritai ngke e tabe ni kamaraua tanon ana tawaana n ana kaom'aane aika uoman. Boni iai naba tengaun ma temanna riki m'aane aika a mena i matana, ao a bon tabe naba ni kamaraua te tano n taian kaom'aane aika uoman. Ao e nako Eria ni kawariia ao e katokaa ana kunnikai i aon Eritai.

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

2.Uea 1:8

Ao a taku, Bon te aomata ae e buraerae ao e roona nuukana n te bare ae te kunniman. Ao e taku Aatia, Bon Eria te aomata anne.

2.Uea 2:13

Ao e a tia ni b'aka kunnikain Eria, ma ngaia are, e anaia Eritai mai i aontano ao e a okirikaaki nakon te Karaanga are te Ioretan.

2.Uea 2:8

Ao ngke a uaia n roko ikekei ngaia ake uoman, ao e buuta kunnikaina Eria, ao e niiroaia ni waerake ao e orea iai te ran. Ao n te tai naba arei, ao e uki te kawai i nanon te karaanga, ao a kaai ni m'ananga ngaiia ake uoman i aon te tano ae m'au.

1.Rongorongo 20:3

Ao e kairoroia kaain Rab'a b'a a na m'akuri n taian tao, beke aika a karaoaki man te biti, ao taian tanai. Ao e karaoa naba ae ai aron anne nako ia kaain kaawan nako Ammon ake tabeua. Ao i mwiina, e a kaokiia ana taanga ni buaka Iteraera Tawita nako Ierutarem.

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 26:23

Ao a kairiia rikaaki nakon te Uea are Ieoiakim, are e a kamatea ao e karenakoaki rab'atana nakon te tabo n taunimate.

Tekaria 13:4

A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Mataio 21:35

Ma taan tararua te onaroka a tauia ana toro; ao a batiboa temanna, ao a kamatea temanna, ao a karebanaa temanna n te atibu.

Mataio 3:4

E kunnikaia Ioane ni buraen te kamero; ao e b'aina te roo ae te kau b'a kabaean nuukana; ao kanana rokati ma aia karewe manibeeru.

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

Ebera 11:25

ma e tangira riki ae e na uaia ni b'ainikirinaki ma ana aomata te Atua nakon ae e kakukureia n te buakaka i nanon te tai ae aki maan.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”