Ebera 11:35 - Te B'aib'ara

³⁵ a manga reke irouia aine aia koraki ake a tia ni mate ngke a a manga uti. Ao tem'angina a kataereaki ni karokoi mateia, ngke a rawa ni kani kainaomataki, b'a a aonga n reke i rouia te maiu ae raoiroi riki ngkana a manga uti.

Ebera 11:35 ပူးပေါင်းရင်းမြစ်များ

Mataio 22:30

B'a a aki iein aomata n te tai ni manga-uti, ao a aki kaieinaki naba; ma a na riki n aroia anera ake i karawa.

Mareko 12:25

B'a ngkana a manga uti man te mate ao a aki kona n iein ke ni kaieinaki, n ai aroia anera ake i karawa.

Ruka 14:14

ao ko na kakab'aiaki iai; b'a a aki kona ni manga kabooa mwin are ko karaoia nako ia. Ane e na kaboaki nako im mwin are ko karaoia n te tai are a manga uti iai aomata ake a raoiroi ake a tia ni mate.

Ruka 20:36

A na riki b'a ai aroia anera ao a na aki kona ni manga mate, ao natin te Atua ngaiia ngkae e a reke i rouia te manga-maiu.

Ioane 5:29

ao a na oti nako mani neia ni mate: akana tia ni karaoa ae e raoiroi nakon te maiu, ao akana tia ni karaoa ae buakaka nakon te rekenikai.”

M'akuri 22:29

Ma ngaia are, a waekoa naba ni m'awa mai rouna te koraki ake a na ukoukora taekana; ao e maku naba aia mataniwi tautia ngke e aata B'auro b'a te I-Rom, i bukina ngke e a tia ni kabaea.

M'akuri 23:6

Ngke e ataia B'auro b'a Tarukaio tem'angina, ao B'aritaio tem'angina, ao e kanenea ngkanne b'anaana i mataia kaain te Tanirim, ni kaangai, “Mm'aane, taari, bon te B'aritaio ngai, ae natiia B'aritaio. E kabowiaki taekau ikai i bukin te kaantaninga ae i rou ae a na manga uti maate!”

M'akuri 24:15

Boni iai ae I kaantaningaia mairoun te Atua, ae a kaantaningaia naba: b'a iai te manga-maiu irouia aomata aika raoiroi ma aika buakaka aika tia ni mate.

M'akuri 4:19

Ma e kaekaia Betero ma Ioane ni kaangai, “Kam na karekei ami iango b'a e nga ae e raoiroi riki i matan te Atua: iran nanomi ke iran nanon te Atua;

M'akuri 9:41

E anga baina Betero nakoina, ao e kateirakea; e weteia ngkanne ake a itiaki ma aine ake a mate buia, ao e anganiia neierei b'a e a maiu.

1.I-Korinto 15:54

Ao ngkana e a tia n onikaki te aro ni mka aei nakon te aki mka, ao te aro ni mamate aei nakon te aki mamate, ao e kakoauaki iai te taeka are koreaki ni kangai: “E tae ana kai te mate!

I-Biribi 3:11

ma te kaantaninga b'a N na boni kamaiuaki man te mate nakon te maiu.