Ebera 11:26 - Te B'aib'ara

²⁶ E taku i nanona b'a te b'ai ae kakawaki riki te taetaebuakaki i bukin te Mesia nakoni kaub'ain Aikubita aika bati: b'a e tabe n iaiangoa te kaniwanga are e na anganaki n te tai ae na roko.

Ebera 11:26 ပူးပေါင်းရင်းမြစ်များ

Taian Areru 37:16

E raoiroi riki te b'ai ae ti teutana, ae ana b'ai te aomata ae e raoiroi, nakon te kaub'ai ae bati, ae kaub'aia aomata aika buakaka.

Taian Areru 69:20

A riki aia taetae n iowawa nako iu b'a uruan nanou, ao I rawaawata iai. I kaantaninga nanoangakiu, ma akea ae e reke; Ao akea naba ae e reke i bukini karauan nanou.

Taian Areru 69:7

A tia ni mwemwe taeka ni kamaraki nano nako iu i bukim, Ao I taonaki n angin te mamaa ae bati.

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Taeka n Rabakau 23:18

Ao ane e na reke iroumi te kaantaninga ni koaua i bukin boong aika a na roko.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Mataio 10:41

Ane m'anea n akoa te burabeti i bukina b'a te burabeti, ao e na karekea kaniwangana ae ti te bo ma te kaniwanga i bukin te burabeti; ao ane m'anea n akoa te aomata ae raoiroi, ao e na anganaki te kaniwanga ae ti te boo ma te kaniwanga i bukin te aomata ae raoiroi.

Mataio 5:12

B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Mataio 6:1

Kam na tarataraingkami b'a kam na aki karaoi b'aai ake a kaeti ma b'ain te onimaki i mataia aomata ni kan noraki i rouia; b'a ngkana aromi anne, ao a na akea te b'ai n tituaraoi ae kam na anganaki mairoun Tamami are i karawa.

Ruka 14:14

ao ko na kakab'aiaki iai; b'a a aki kona ni manga kabooa mwin are ko karaoia nako ia. Ane e na kaboaki nako im mwin are ko karaoia n te tai are a manga uti iai aomata ake a raoiroi ake a tia ni mate.

Ruka 14:33

Ma ngaia are ngkana iai i buakomi ae aki kitan ana b'ai ni kabane, ao e aki kona n riki b'a au reirei.

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Biribi 3:7

Ma b'aai ake I taku b'a a kakawaki, ao I a atong ngkai b'a akea bonganaia i bukini Kristo.

Ebera 10:33

N taai tabetai kam taetaebuakaki ma ni b'ainikirinaki i mataia aomata b'a kanga b'aai ni kamataku; ao n tabetai kam raoniia ake a b'ainikirinaki n te aro aei.

Ebera 10:35

Ma ngaia ae kam na tai kaki aromi n nanomatoa, b'a bon iai kab'aiami ae bati ae na reke iai.

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.

Ebera 13:13

Ma ngaia ae ti na nako Ina i tinanikun te nne ni maeka n rianna, n uaia n uataboa ma Ngaia kamamaaeana.

Ebera 2:2

B'a ngke e noraki aron te taeka are taekinaki irouia anera b'a e koaua, ao ngke a reke booni buure ni kabane ma aki ongeaba ni kabane aika booia aika riai,

1.Betero 1:11

A kataia ni kakaaea b'a antai te aomata, ao te tai ra ake a kaotaki iroun Tamnein Kristo are mena i nanoia ngke E taekini baikai i m'ain rikiia, aika marakini Kristo ake E na taonaki iai, ao te neboaki are E na b'ainna i mwini maraki akanne.

1.Betero 4:14

Ngkana kam tataebuakaki i bukin arani Kristo, ao kam a kab'aia; b'a E mena iroumi te Tamnei ae kamimii arona, ae Tamnein te Atua.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”