A bane ni bootaki aia uea natanaomata ma ana botannaomata te Atua are Atuan Aberaam; B'a ana b'ai te Atua uea n aon te aba; ana katikui aia b'ai ni buaka E raka aroni karineana.
E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.
E ngae ngke e aki naba kamaiura, ma ti na bon teimatoa naba n aki taromauria antim, ao ti na bon aki naba bobaraaki nakon te bouananti te koora are ko kateia.”
Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.
I noori raoi aroni b'ainikirinaia au botannaomata ake a mena i Aikubita, ao I ongo ngirangiraia, ao I a ruo b'a N na kamaiuia. Ao ngkai, nako mai, b'a N na kanakoko nako Aikubita.”
Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;
A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;
Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’