Ebera 10:38 - Te B'aib'ara

³⁸ Ao au aomata ae raoiroi e na maiu n te onimaki; ao ngkana e kerikaki, ao I bon aki kukurei i rouna.”

Ebera 10:38 ပူးပေါင်းရင်းမြစ်များ

2.Tamuera 22:22

I karaoa te b'ai are Ko tangiria ao I aki roko n te rairaki nakon karaoan te buakaka.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 149:4

E kukurei te UEA iroun ana botannaomata; E karineia aika onimakinna n anganiia te tokanikai.

Taian Areru 5:4

Tiaki te Atua ngkoe ae Ko tangira te buakaka; e na aki maeka iroum ane buakaka.

Taian Areru 85:8

N na ongora nakon te bae E taekinna te UEA; E atonga ae na reke te raoi nakoira, ngaira aika ana botannaomata aika ti kakaonimaki nakoina, ao ti na bon aki oki nakon arora n nanobaba.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Etekiera 18:24

Ma ngkana a moana karaoan te bure aomata ma ni karaoi m'akuri aika a rangi n ribaaki, a na kamaiuaki? A na aki! E na m'aninga te aba taekan aia m'akuri aika a raoiroi aika a tia ni karaoi, ao a na tiringaki i bukin aia bure nako.

Etekiera 3:20

Ngai ko na iangoia b'a aongkoa b'a a karaoa te bure aomata aika a kakaonimaki, ao I iangoia b'a N na kawenea te atiibu ni kab'akab'aka i m'ain kawaia b'a a aonga ni b'aka. A na bon riai ni mate i bukin aia bure. Ma ngaia are ngkana ko rawa ni kauringiia, ao N na m'aninga taekan taai ake a kakaonimaki iai, ao N na tauko b'a ko bukintaeka ni mateia.

Etekiera 33:13

Ngkana tao I berita nakoia aomata aika a raoiroi b'a a na maiu, ao tabeua te tai i mwiina, a manga moana karaoan te bure ma n iangoia b'a a na kamaiuaki n te raoiroi are a tia ni karaoia ngkoa. A na bon tiringaki aomata aikai i bukin aia bure. E na m'anuokinaki taekan aia m'akuri ake a raoiroi ngkoa.

Ab'akuka 2:4

Ao aio te rongorongo, “Ana bon aki tiku ni maiu aika a buakaka, ma aika a raoiroi ana bon maiu i bukin aia kakaonimaki nakon te Atua.”

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Mataio 12:18

“Nora au tia m'akuri ae I rineia, ae tangiraki i Rou, ae I kakatonga i Rouna. N na kaki Tamneiu i aona, ao E na tuangiia botannaomata te kaeti-taeka ae raoiroi.

Mataio 13:21

ma akea wakaana i nanona, ao e aki tiku ni maan; ao ngkana e roko te kanganga ke te b'ainikirinaki i bukin ana taeka te Atua, ao e a b'aka naba.

I-Rom 1:17

B'a e kaotaki n te euangkerio aron te Atua ni kaeti aroia aomata nakoina n te onimaki, ni moa man rekena i rouia ni karokoa tokina: n ai aron are koreaki ni kaangai: “E na maiu ane e kaetaki arona n reitaki ma te Atua n te onimaki.”

I-Karatia 3:11

Ma e ataaki b'a akea te aomata i matan te Atua ae e eti reitakina ma Ngaia n te Tua, b'a e kaangai te B'aib'ara, E na maiu ane e kaetaki reitakina ma te Atua n te onimaki.

1.I-Tetaronike 2:15

ake a kamatea te Uea are Iesu ma taiani burabeti, ao a kakioira nako naba. A aki kakukureia te Atua, ao a ekianako aomata ni kabaneia;

Ebera 10:39

Ma tiaki ngaira kaain te kerikaki nakon te mate, ma kaain te onimaki nakon te maiu.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.