Ebera 10:33 - Te B'aib'ara

³³ N taai tabetai kam taetaebuakaki ma ni b'ainikirinaki i mataia aomata b'a kanga b'aai ni kamataku; ao n tabetai kam raoniia ake a b'ainikirinaki n te aro aei.

Ebera 10:33 ပူးပေါင်းရင်းမြစ်များ

Taian Areru 69:9

Ai aron te ai ae ura tangiran am Tembora i nanou; A b'akarai taeka i bukim, aika taeka aika bubuaka.

Taian Areru 71:7

E a riki maiu b'a te banna ni katoto nakoia aomata aika bati, i bukina b'a Ko a tia n riki b'a te tia kamanoai Ngkoe ae matoatoa.

Taian Areru 74:22

Te Atua, teirake, ao taetae i bukim! Uringiia aomata ake akea karineam irouia ni ngareakiniko n te bong koraki.

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Taian Areru 89:51

Te UEA, a taetae n iowawa am Kairiribai nakon te uea are Ko rineia! A taetae nakoina n te aro anne ike e nako iai.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Naum 3:6

N na karaoiko b'a ko na tirobaeaki. Ao ti na rabuniko n taiani maange. A na matakuakiniko aomata ma te maaku.

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

1.I-Korinto 4:9

B'a I taku n au iango b'a E a tia te Atua n anganira ngaira aika taan tuatua nera ae te kabanea mai buki, b'a kanga aomata ake a tia ni baireaki taekaia b'a a na kamateaki, ao ti riki b'a b'aai ni kamataku nakon te aonnaba nakoia anera ma aomata nako.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

I-Biribi 1:7

E bon riai reken te namakin aei i rou i bukimi ni kabaneingkami, b'a kioina ngkai kam memena i nanou. B'a kam a tia ni bane ni buokanib'ai ma ngai n te m'akuri are I anganaki iroun te Atua, n arou ngkai I kabaeaki ao ngke I kakaitarai taeka aika eekaanako te euangkerio, ma ni karina te euangkerio i nanoia aomata b'a e na tiku ni matoatoa.

I-Biribi 4:14

E boni ngae n anne, ma kam a tia ni karaoa ae e raoiroi, ngke kam buokanib'ai ma ngai n rawaawatau.

1.I-Tetaronike 2:14

Taari, kam riki ni katotongiia ana ekaretia te Atua i Iutaia, aika ana aomata Kristo Iesu, i bukina b'a kam a tia ni b'ainikirinaki naba irouia ami aomata ni baika ti te bo aroia ma ake a b'ainikirinaki iai irouia I-Iutaia;

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

Ebera 11:26

E taku i nanona b'a te b'ai ae kakawaki riki te taetaebuakaki i bukin te Mesia nakoni kaub'ain Aikubita aika bati: b'a e tabe n iaiangoa te kaniwanga are e na anganaki n te tai ae na roko.

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.

Ebera 12:4

B'a n ami buaka are kam kaitaraa iai ma te bure, ao akea i roumi ae e mate.

Ebera 13:13

Ma ngaia ae ti na nako Ina i tinanikun te nne ni maeka n rianna, n uaia n uataboa ma Ngaia kamamaaeana.