Ebera 10:28 - Te B'aib'ara

²⁸ Ane aki ongotaeka nakon ana Tua Moote, ao e kamateaki n aki nanoangaki ngkana e motikaki taekana, b'a e bure n aia bukibuki uoman ke teniman aika kaota ana bure.

Ebera 10:28 ပူးပေါင်းရင်းမြစ်များ

2.Tamuera 12:13

Ao e taku Tawita, “I a tia ni aki ongotaeka nakon te UEA.”

2.Tamuera 12:9

E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Warekaia Iteraera 15:36

Ma ngaia are, e a tiringaki n aron are E a tia ni baaireia te UEA nakoni Moote.

Mataio 18:16

Ma ngkana e aki ongo i roum, ao ko na kaira raom temanna, ke uoman, b'a a na riki b'a taani kakoaua nakon am taeka ni kabane ake ko bukinna iai.

Ioane 8:17

E koreaki n ami tua ae kaangai b'a ngkana e bo raoi aia kaotioti taani kakoaua aika uoman, ao e koaua aia kaotioti.

I-Rom 9:15

B'a E kaangai nakoni Mote, “N na akoa ane I kan akoia, ao N na nanoangaea ane I kan nanoangaia.”

2.I-Korinto 13:1

Aio ngkai katenuan au tai ae N na nako imi iai. N aron are koreaki n te B'aib'ara, “A kamatoaki taeka ni bukibuki ni kabane ngkana a kakoauaki n aia taeka taani kakoaua aika uoman ke teniman.”

Te Tua-Kaua 19:13

Kaain Iteraera, kam na riai n tiringa te aomata ane tiringa te aomata ae akea ana bure i bukin karekean te rau n abami. Kam na bon aki kaota te nanoanga nakon te aomata ae te tia tiriaomata.

Te Tua-Kaua 19:15

A na ti kakoauaaki aia kaotioti uoman taani kakoaua i bukin motikantaekaia aomata.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 2:2

B'a ngke e noraki aron te taeka are taekinaki irouia anera b'a e koaua, ao ngke a reke booni buure ni kabane ma aki ongeaba ni kabane aika booia aika riai,

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.