Ebera 10:27 - Te B'aib'ara

²⁷ ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.

Ebera 10:27 ပူးပေါင်းရင်းမြစ်များ

Taian Areru 21:9

Ngkana E kaoti te UEA ao ane na onikia b'a te ne ni kanaiai ae ura; Ao ane E na ongia n unna, ao a na ura rake n te ai.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Etekiera 36:5

Ma N na rairaki nakoia botannaomata aikai ma uniu ae e korakora, ai moara ra riki ake a oom'aaka ngareia ni ngareakiniko ma n taui ami tabo n uteute nako.

Etekiera 38:19

ao N na kanakoa te m'aiei ae e kakamaaku b'a e na ioioa Iteraera.

Taniera 5:6

E mainarake te uea ao e rangi ni maaku n te aro are a ruru waena.

Otea 10:8

A na uruakaki taian baonikarea ake i Betaera are e bure korakora i bukin karekean Iteraera n te bure; a na rabunaki nako n aroka aika a kateketeke ao taian aroka aika a kateketeke baaia. Ao ane a na bane aomata ni butiia taian maunga ma taian tabuki b'a a na rabuniia ma ni kaawakiniia.

Ioera 2:30

N na m'akuri taiani kamimii i eta i karawa ao i aon te aonnaba i nano. E reke te raraa ma te ai ao taian nang ma te bubu.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Mataio 13:42

ao ane a na teweia nako nakoni nnen te ai, ike a na tang ao a na tenai riaia iai b'a kaotan ae a rotaki n te maraki ae korakora.

Mataio 13:50

ao a na teweia nako ni nnen te ai, ike a na tang ao a tenai riaia iai b'a kaotan ae a rotaki n te maraki ae korakora.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 3:10

Ao e tauraoi ngkai te angaraa ni korei kaai mani wakaaia; te kai are aki kariki uaa aika raraoi, e na koreaki ni kab'akaki, ao e na teweaki nako nanon te ai.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

Ruka 16:24

Ao e weteia ni kangai, “Tamau ae Aberaam! ko na nanoangaai, ao kanakomaia Rataro b'a e na kateboa taboni baina n te ran ao e na kam'aitoroa neweu, b'a I kainano ni maraki n uran te ai aei.”

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”

Ruka 21:26

Ane a na b'aka ni kiro aomata i bukin te maaku ma kaantaningaan te b'ai ae na roko i aonnaba; b'a ane a na kam'aeaki b'aini karawa mani neia are a taneiai iai.

Ruka 23:30

Ao ane a na kangai nakoni maunga, “Kamanatuaira!” ao nakon tabuki, “Tauniira!”

Ioane 5:29

ao a na oti nako mani neia ni mate: akana tia ni karaoa ae e raoiroi nakon te maiu, ao akana tia ni karaoa ae buakaka nakon te rekenikai.”

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 12:29

b'a Atuara ai aron te ai ae kamamate.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

Iakobo 5:3

A raraa ami koora ma ami tirewa; ao a na riki raraani baikai b'a b'aai ni kakoaua aika na kabuakakaingkami, ao a na kang irikomi n ai aron te ai. Kam a tia ni kaiko ami b'ai i nanoni boong aika kabaneani boong.

Te Kaotioti 20:15

Ao ngkana iai ae ataaki b'a akea arana ni bokin te maiu, ao e teweaki nako nanon te nama are te ai.

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.