Ebera 10:24 - Te B'aib'ara

²⁴ Ti na iangoa aron temanna ma temanna i roura ni buokira b'a ti na kaota te tangira ni maiura, ao b'a ti na karaoi m'akuri aika raraoi.

Ebera 10:24 ပူးပေါင်းရင်းမြစ်များ

Taian Areru 41:1

A kab'aia akana mutiakiniia akana akea aia b'ai; E na buokiia te UEA ngkana a reke n te kaangaanga.

Taeka n Rabakau 29:7

E aki tabe te aomata ae e buakaka ni inaomataia aomata aika a maiu ni kainano, ma aomata aika a raoiroi a tabe iai.

M'akuri 11:29

A reke nanoia taan onimaki i Antioka b'a a na kanakoa aia buoka n aron are e kona n reke iroun temanna ma temanna, nakoia taari ake a maeka i Iutaia.

I-Rom 11:4

Ma e kangaa ana taeka te Atua nakoina? E kaangai, “Iai au aomata aika 7,000 aika I katikuia, aika a aki taromauria B'aara.”

I-Rom 12:15

Kam na kim'areirei ma akana kim'areirei; kam na tang ma akana tang.

1.I-Korinto 10:33

n ai arou naba ngkai I kakukureia aomata ni kabaneia ni b'aai ni kabane aika I karaoi, n aki ukoukora ae iai manenana nako iu; ma I ukoukora ae iai manenana nakoia aomata aika bati, b'a a aonga ni kamaiuaki.

1.I-Korinto 9:22

Ao ngkana I m'akuri i buakoia aika mamara n te onimaki, ao I riki n ai aroia ni mamara, b'a a aonga n riki ni Kristian. I a tia n riki n aekaia aomata nako n aroia nako, ao I karaoi b'aai ni kabane aika I konai, b'a a aonga ni kamaiuaki tem'angina mai buakoia i rou.

2.I-Korinto 8:8

Ae I taekinna bon tiaki te tua, ma I taekinna b'a e na kakoauaki n aroia tem'angina ae korakora ni kan i buobuoki, b'a ngaia bon iai naba koauan ami tangira.

2.I-Korinto 9:2

b'a I ata nanomi ni kan anga, are I kamoamoaingkami iai nakoia I-M'aketonia ngke I taekina ae a kaman tauraoi taan onimaki i Akaia ni kan i buobuoki man te ririki are nako; ao a bati i buakoia aika kaungaaki nanoia n nanokorakorami.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Karatia 6:1

Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.I-Tetaronike 5:11

Ma ngaia ae kam na i karau nanomi, ao kam na i kateimatoaingkami, n ai aron ae kam kakaraoia.

2.I-Tetaronike 3:9

Ti karaoa aei, tiaki i bukina b'a akea ara riai n tuangngkami buokara, ma i bukina b'a ti kan riki b'a te banna ni kakairi nako imi ae kam na katotongnga.

1.Timoteo 6:18

A na kakaraoa ae e raoiroi, a na kabati m'akuri aika riai, a na maiu n tituaraoi, ao a na tauraoi ni buokanib'ai n aia b'ai;

Tito 2:4

b'a a na reireiia ateiaine b'a a na tangiriia buia, ao b'a a na tangiriia naba natiia;

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.

Ebera 13:1

Ke e teimatoa aroia n i tangitangiri taari.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

1.Ioane 3:18

Au ataei aika uarereke, ti na tai i tangitangiri n ti te taeka ao n te newe, ma a na noraki arora n i tangitangiri n te m'akuri ao n te koaua.