Ebera 1:12 - Te B'aib'ara

¹² Ao ane ko na rukum n ai aron te ninira, ao a na onikaki naba n ai aron te kunnikai: Ma ai uauam nako naba Ngkoe, ao a na akea tokin am ririki.”

Ebera 1:12 ပူးပေါင်းရင်းမြစ်များ

Iobi 36:26

Ti aki kona n atai korakorana ni kabane, ke ni wareki m'aitin Ana ririki.

Taian Areru 90:4

Tengaa te ririki iroura ai aron ae ti te bongina iroum; Ai aron ngkoananoa, ae te bongina ae e a nako, Ai aron aoan teuana te tai n tei n tantani n te tairiki.

Te Otinako 3:14

E taku te UEA, “Bon te Atua Ngai ae akea tokina. Ma ngaia ae ko na tuangiia aomata b'a e kanakoko te UEA ae arana, “Ngai.”

Itaia 38:12

E anaaki mairou maiu kaanga te autinrianna ae e kab'araaki ma ni uotaki nako iroun te tia kaawakintiibu. Ko koreai kaanga karain te kunnikai man te b'aini karao kunnikai mai roun te tia raranga kunnikai; ko urubekeai n te bong ao te ngaina.

Ioane 8:58

E taku Iesu nakoia, “Bon te koaua ni koaua ae I a tuangngkami, b'a bon iai Ngai ma ngkoa i m'ain Aberaam.”

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.