B'aeb'aeti 5:21 - Te B'aib'ara

²¹ Ko na kaokiira nakoim te UEA! Ko na kaokiira! Manga kaoki kakannatora ake ngkoa.

B'aeb'aeti 5:21 ပူးပေါင်းရင်းမြစ်များ

1.Uea 18:37

I butiiko b'a ko na kaekaai, b'a aonga aomata aikai n ataia b'a boni Ngkoe te UEA ae te Atua, b'a Ko aonga ni kaoki nanoia nakoim.

Taian Areru 80:19

Te Atua are Moan te M'aaka, Ko na kaoka kab'aiara nakoira. Kaota am Nanoanga nakoira, ao ti na kamaiuaki iai.

Taian Areru 80:3

Te Atua, Ko na kaoka kab'aiara nakoira! Kaota am Nanoanga nakoira, ao ti na kamaiuaki iai.

Taian Areru 80:7

Te Atua are Moan te M'aaka, Ko na kaoka kab'aiara nakoira; Kaota nakoira am Nanoanga, ao ti na kamaiuaki iai!

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Itaia 60:20

E na aki manga bung ami taai ke ni bung ami nam'akaina. N na riki Ngai ae te UEA b'a ami oota ae akea tokina, ao a na toki ami bong n nanokawaki.

Ieremia 30:20

E na riki kaanga taai ake ngkoa. Ane a na taromauriai ami botannaomata, ao N na katuuaia ni kabane akana a kabuakakaingkami.

Ieremia 31:18

A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 33:10

Ieremia, ko taku b'a e na rereua te aba aei ao akea aomata ma maan iai, ao n te tai aei, e bon eti are ko taekinna. A akea kaain kaawan Iuta ao e a rereua kawain te kaawa i Ierutarem, ao bon akea aomata ma maan n nooraki n taabo nako. Ma a na roko boong ane ko na manga ongo iai

Ieremia 33:13

Ni kaawan aaba ake a tabukibuki, aaba ake a rinano, ao Iuta Maiaki, i abaia kaain Beniamin, ni kaawa ake i rarikin Ierutarem, ao ni kaawan nako Iuta, a na manga warewareki aia tiibu taani kaawakintiibu. Bon aei au taeka Ngai ae te UEA.”

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Maraki 3:4

ao e na kukurei iai aia angab'ai kaain Iuta ma Ierutarem, n aron are a karaoia ngkoa n taai ake ngkoa.