B'aeb'aeti 5:18 - Te B'aib'ara

¹⁸ i bukina b'a e a tiku ni kitanaki ma ni kamaroaa te maunga are Tion, ao e a riki b'a ai nneia kameanti.

B'aeb'aeti 5:18 ပူးပေါင်းရင်းမြစ်များ

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

Neemia 4:3

E tei Tobia are kaain Ammon i rarikin Taneb'arata ao e taku, “Ani bon noora aron aia kateitei! Tera ae a karaoia, ngkana tao e kab'aka aia atiibu aikai te kameanti ao a b'aka naba.”

Taian Areru 63:10

A na mate n te kabaang, ao a na kanaki rab'ataia irouia kamea.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Ieremia 17:3

Ma ngaia are, N na anai ami b'ai ni kabane, n reitaki ma ami baonikarea nako, ma n anga ni kabane nako ia ami kairiribai.

Ieremia 26:9

E aera ngkai ko taetae n aran te UEA b'a e na riki te Tembora aei kaanga Tiro ao e na uruaki te kaawa aei ao a na akea ae na maeka iai?” Ao i mwiin arei, a bootaki aomata ni katobibiai.

Ieremia 44:2

Bon te UEA Ngai ae Moan te M'aaka, ae Atuaia Iteraera. Kam noora arou ngke I kamaunaa Ierutarem ao kaawan nako Iuta. A wene n akea kanoaia ao n uruaki n te bong aei,

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

Etekiera 13:4

A aki raoiroi riki burabetin Iteraera nakon taian tiakaore ake a kakaaea kanaia i buakon b'ain te kaawa ae e uruaki.

Taniera 9:17

Te Atua, ongo au tataro ao au bubuti. Manga kaoka aron am Tembora, are e a tia n uruakaki. Manga kaoka arona b'a a aonga n ataia aomata nako b'a bon te Atua ngkoe.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.