B'aeb'aeti 4:22 - Te B'aib'ara

²² E a tia ni b'ara ana bure Tion; E nang kab'araira te UEA man te kataenikaiaki. Ma e na bon katuaeko te UEA ngkoe ae Etom, E na katereterei am m'akuri aika a kaairua.

B'aeb'aeti 4:22 ပူးပေါင်းရင်းမြစ်များ

Taian Areru 137:7

Te UEA, uringa te baere a karaoia tibun Etom n te tai are ekakinako iai Ierutarem. Uringa aia taeka ngke a kaangai, “Urua, urubekebekea!”

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Ieremia 32:40

N na karaoa te boraraoi ma ngaiia ae akea tokina, N na aki manga kerikaaki man karaoan ae e raoiroi nako ia; ao N na karina maakaku inanoia, b'a aonga n aki rairaki nako mairou.

Ieremia 33:7

N na manga anga riki te aba aei nako ia Iteraera ma Iuta, ao N na manga kakorakoraia n aroia are rimoa.

Ieremia 33:8

A bure ao a kakaitaraai, ma N na kab'arai aia bure ma ni uoti nako aia kaairua.

Ieremia 49:10

Ma N na anai b'aai ni kabane aika kam b'ain, ngkami aika kaain Etom, ao n na kaoti taabo nako ike kam kaakarabai. Ao i mwiina, kam na mate, ao ai uana naba ma ami ataei, ami koraki ao kaain rarikimi nako.

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

B'aeb'aeti 4:21

Kam na ngarengare aika aomatan Etom ma Uti; Kakatonga n aron ae kam kona. B'a ae nang roko naba te kangaanga i aom; ko na kanakonakoaki naba ni bebeekan.

B'aeb'aeti 4:6

E rawaawata riki oreaia au aomata nakoia aomatan Etom, ake a oreaki iroun te Atua n te aro a e karina.

Etekiera 37:28

A na bane n ataia botannaomata n te aonnaba ae e mena au Tembora i Iteraera ao I a tia n rineia Iteraera b'a Au aomata.

Etekiera 6:12

Akana a maeka n taabo aika a raroa nako a na oreaki n te aoraki ae e kamaamate. Akana a maeka n taabo aika a kaan a na tiringaki n te buaka. Ao akana a tiku a na mate n te baki. N na aki taotaona nanou irouia!

Ob'aria 1:10

“Akea tokin kamamaeam ma uruam Etom i bukina ngkai ko a tia ni iraeia ma n tiringa tarim ae kanoan Iakob'a, ko na bon kamaunanakoaki n aki toki.

Maraki 1:3

n onea mwiin Etau. Ao I onika aban Etau ake a tabukibuki nakon te rereua ae akea kain aona ike a aiwaa iai taian Tiakaore

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.