B'aeb'aeti 4:20 - Te B'aib'ara

²⁰ A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

B'aeb'aeti 4:20 ပူးပေါင်းရင်းမြစ်များ

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Karikani B'aai 44:30

Ao e reitanako ana taetae Iuta ma n taku, ‘Ao ngkai, ngkana I nako n okira tamau ao akea te ataei ni mm'aane anne, ao ni bon te tai naba are e nooria iai b'a akea natina irou, ao e na boni mate.

2.Tamuera 1:14

Ao e taku Tawita nakoina, “Ko kangaa n aki maaku n tiringa te uea ae e rineaki iroun te UEA?

2.Tamuera 1:21

Ko na aki kab'aka te aoi ke te karau i aon tabukin nako Kireboa. Ko na aki karikirakei taian uita n te tawaana i bukin karikirakean taian uita i bukin taian karea nakon te Atua. A takanana aia otanga taani buaka n taiani bokaboka, ao e a tiku oin ana otanga Tauro n aki karaneaneaaki.

2.Tamuera 18:3

Ma a taku tautia, “Ko na aki. Ko na aki iriira ni buaka! E na bon ti te bo naba ngkana ti riki ni biri nako mairouia ara kairiribai, ke ngkana a tiringiia iteran ara taanga ni buaka. E raoiroi riki ngkana ko tiku n te kaawa ao ko karoorokoa buokara ngkana ti tangiria.”

2.Tamuera 19:21

Ma e takaarua Abitiai are natin Teruia ni kaangai, “Ko na bon riai n tiringaki b'a ko kamaraiaa te uea ae E rineaki iroun te UEA!”

2.Rongorongo 35:25

Ao e korea te kuna ni mate Ieremia are te burabeti i bukin karinean Iotia. Ao man te tai anne, ao a bane n anenea te anene anne aomata ni kabane i Iuta ake a tang ni maten Iotia. E bon karinaki naba i buakon kuuna ni mate.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Ieremia 39:5

Ma a reke irouia ana taanga ni buaka B'aburon i rarikin te kaawa are Ieriko. A katika Tetekia ao a uotia nakon te kaawa are Ribera n te aba are Amata, ike e kabowiaki motikan taekana iai i roun Nebukaneta, ao e reke n te bure

Ieremia 52:8

Ma a kakioa te uea are Tetekia ana taanga ni buaka B'aburon, ao a reke i rarikin Ieriko, ma a bane ni birinako ana tautia ni uamaae nako nakon taabo aika a kakaokoro.

Ieremia 52:9

E uotaki Tetekia nako Ribena n te aba are Amata, ike e a baairea iai taekana Nebukaneta ao e reke n te bure.

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

Etekiera 12:13

E na taakina te karaun te UEA ni kam'anea ngke e tabe ni kiitana Ierutarem. Ao i mwiina, e na uotaki nako te kaawa are e buubura are B'aburon, ma e na aki manga oki n noora te tabo arei, e ngae ngke e na boni mate ikekei.

Etekiera 17:18

E urua oin ana berita uean Iuta ao e katinanikua te boraraoi ma B'aburon. Ma ngaia are, e riai ni katuaaeaki!

Etekiera 31:17

A na bane naba aomata nako ake a kataniia i aan nuuna ni bane nako nakon te aonnaba are i nano, ike a na ikotaki iai ma maate.

Taniera 4:12

A manguroroo baana ao e katine uaana aika a m'aiti aika a tau i bukini kanaia kaain te aonnaba ni kabane. A maeka maan aika aki manana i aan nuuna, ao a bane ni maiu b'aai nako aika a maiu ni uaana.

Otea 13:10

Kam tangira te uea ao te tia tautaeka. A angaa ngkai ami uea? Kaawa raa aika iai taan tautaeka iai?

Tani Motiki-taeka 9:15

Ao e taku te aroka ae kateketeke, Ngkana kam bon tangirai b'a N na riki b'a ami uea, ao kam na nakomai nako aan nuu ao N na kaawakiningkami Ma ngkana kam m'am'anaai, ao N na kauraa te ai are na rakanako ma n tiringi tiiran Reb'anon.

1.Tamuera 12:3

N nang titirakiningkami moa, I a tia n anaa ana kaom'aane te aomata temanna ke ana aati, ke ni imanonoingkami b'a kam na anganai te b'ai teuana? I a tia ni kaikoaka te aomata temanna ke ni karaoa te kamaraato i bukin karaoan te babaire ae aki eti? Kam na kaekaai ngkai b'a e na ongo te UEA ma te uea are E rineia. B'a ngkana arona b'a I a tia ni karaoa teuana mai buakon baikai, ao n na kabooa mwiina.

1.Tamuera 12:5

Ao e taku Tamuera, “Bon taani kakoaua te UEA ma te uea are e rineaki nakon baika kam taekin.” Ao a taku aomata, “Eng, bon te koaua.”

1.Tamuera 16:6

Ao ngke a roko Iete ma natina m'aane, ao Tamuera, e noora natin Iete te ikawai, are Eriaba, ao e taku bon i nanona, “Tao bon aei ae na rineia te UEA.”

1.Tamuera 24:10

ko konaa n nooria raoi b'a E a tia te UEA n anga ngkoe nako aani m'aakau. A tuangai tabeman au rorobuaka b'a N na tiringko, ma I nanoangaiko ao I taku b'a N na bon aki kona n tiringko, b'a boni ngkoe temanna ae E a tia n rineiko te UEA b'a ko na uea.

1.Tamuera 24:6

ao e taku nakoia ana rorobuaka, “E na bon aki kariaia te UEA b'a N na karaoa ae e aki raoiroi nakon au toka, are bon te uea ae e rineaki! N na bon aki tiringnga, b'a bon au uea ae e rineaki iroun te UEA!”

1.Tamuera 26:16

Ko aki kororaoi n tib'angam. Abenera! I tuea n aran te UEA ae e maiu b'a kam bon riai ni mate ni kabane b'a kam a tia n aki kakaawakina ami toka, are e rineia te UEA b'a e na uea. Nooria! E ngaa ana kainiwai am uea? E nga ana tiaeki n ran are e mena i rarikin atuuna?”

1.Tamuera 26:9

Ao e reitia Tawita ma n taku riki, “Tai tiringnga! Bon ti te UEA ae e konaa ni katuaaea te uea ae E bon rineia.