B'aeb'aeti 3:40 - Te B'aib'ara

⁴⁰ Ti bon riai ni taratarai maiura, ao n okira te UEA.

B'aeb'aeti 3:40 ပူးပေါင်းရင်းမြစ်များ

2.Rongorongo 30:6

E m'ananga ni kabutai taabo nako ana tia ua rongorongo Etekia i aon Iteraera ao Iuta ma taian reta aika a kaangai kanoaia: Kaain Iteraera, ngkai e reke maiumi man aia buaka uean Aturia, e a roko te tai ae kam a riai n tanrikaaki iai nakon te UEA ae te Atua are e taataromauriaki irouia ara bakatibu ake Aberaam, Itaaka, ao Iakob'a. E na toki unna ngkana kam karaoa aei.

2.Rongorongo 30:9

ane a na kaota te nanoanga ami kairiribai ake a tauia ami utu ao ane a na kaokiia nakon mwengaia. E akoi te UEA ae te Atua ao e nanoanga, ngkana kam tanrikaaki nako ina, ao E na bon aki tannako mairoumi.

Taian Areru 119:59

I iangoi aroarou, ao I a manga rairaki n tou mwin am Taeka.

Taian Areru 4:4

Ngkana kam un ao tai bure; iangoa raoi aei, n ami tai ae kabuingoingo i aon nnemi ni wene.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Etekiera 18:28

A na iangoi baike a tia ni karaoi ao a na katoka karaoan te bure, b'a aonga n aki tiringaki.

Otea 12:6

Ma ngaia are, ko na okira Atuam. Onimakinna ma te taotaonaki n nano, ao kaota nakoina te tangira ma te eti.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

1.I-Korinto 11:28

Ke e tirotiroa moa nanona te aomata, ao i mwina e na kana te berena, ma ni moi n te m'angko.

1.I-Korinto 11:31

Ma ngkana ti neneri raoi aroarora, ao akea bairean taekara.

2.I-Korinto 13:5

Kam na kataingkami ao kakoauaingkami b'a kam bon onimaki ni koaua. Kam aki ataia b'a E mena Iesu Kristo i nanomi? ma E aki mena i nanomi ngkana kam a tia ni kataingkami ao kam kakoaua b'a kam aki onimaki ni koaua.