B'aeb'aeti 3:32 - Te B'aib'ara

³² Tao E na bon karawawataira, ma E bon teimatoa ao e korakora naba tangirara i rouna.

B'aeb'aeti 3:32 ပူးပေါင်းရင်းမြစ်များ

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

Taian Areru 103:11

Rababan ana tangira te UEA kanga ai aron rietaatani karawa mai aon te aba.

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Te Otinako 2:23

A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia,

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

B'aeb'aeti 3:22

Ana akoi ma Ana tangira te UEA ae teimatoa n taai nako.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Naum 1:12

Aio ana taeka te UEA nakoia ana aomata aika Iteraera: “E ngae ngke e korakora Aturia mani m'aiti ana aomata, a na boni b'aka mani mauna nako.” Au aomata, I bati ni karawawataingkami, ma N na bon aki manga karaoa riki aei nakoimi.

Ruka 15:20

Ao e tei rake, ao e nako n tamana. Ao ngke e mena i kiraroa, ao e noria tamana, ao e nanoangaia, ao e biri, ao e rab'atia, n inga nako ina.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.