B'aeb'aeti 3:29 - Te B'aib'ara

²⁹ Ti bon riai ni boobaraaki ni karinea, b'a bon iai te kaantaninga i rouna.

B'aeb'aeti 3:29 ပူးပေါင်းရင်းမြစ်များ

2.Rongorongo 33:12

Ngke e taua Manate b'a te taenikai ikekei, e bubutiia te UEA ae te Atua kab'araan ana bure ao buokana.

Iobi 16:15

I a kunnikaiai n te kunnikai te baeki, ao I tekateka ni konaaki i aontano.

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Ieremia 31:17

Bon iai te kaantaninga i bukin am bong aika a na roko. Ane a na okira mwengaia natim. Bon aei Au taeka Ngai ae te UEA.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Ioera 2:14

Bon te UEA Ngai ae Atuami. E na mena ngkoa ao N na manga bita nanou ma n nanoangaingkami. Ao ane kam na kakab'aiaki n anganaki taian uita ao te wain ae e tau i bukin te angakarea nako iu.

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.