B'aeb'aeti 3:26 - Te B'aib'ara

²⁶ Ma ngaia are, e raoiroi iroura b'a ti na tataninga kamaiuara iroun te UEA ma te nano ae rau.

B'aeb'aeti 3:26 ပူးပေါင်းရင်းမြစ်များ

Karikani B'aai 49:18

“I tataningaa am m'akuri ni kamaiu te UEA.

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

Taian Areru 119:166

Te UEA, I kaantaninga kamaiuakiu iroum; Ao I tou mwin am Tua.

Taian Areru 119:174

Te UEA, I kainanoa am Kamaiu! I kakukureiaki n am Tua.

Taian Areru 130:5

E kainano nanou ni kakantaninga ana buobuoki te UEA, Ao I onimakina ana taeka.

Taian Areru 37:34

Kaantaninga te UEA, ao ira nanona; E na karineko n anganiko te aba, ao ko na nora ane buakaka ni kakioaki nako.

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Taian Areru 52:9

N na katituaraoiko n aki toki i bukin are Ko a tia ni karaoia; N na kamoamoa aram ae e raoiroi ngkana a bootaki am Aomata.

Taian Areru 54:6

Te UEA, N na kukurei n anga te karea nakoim; N na anganiko katituaraoam i bukina b'a Ko raoiroi.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 73:28

Ma ngai, e raoiroi irou te kaania te Atua. B'a I rineia b'a te tia katanai, N na katanoatai b'aai ni kabane ake E a tia ni karaoi.

Taian Areru 92:1

Ai raoiroira te katituaraoiko, te UEA, ao te anenea karaoiroan aram, Ngkoe ae Ko Moa n Rietaata,

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Te Otinako 14:14

E na buaka te UEA ae Atuami i bukimi, ao bon akea te b'ai teuana ae kam na tangiria ni karaoia.”

Itaia 30:15

E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga

Itaia 30:7

E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”

Itaia 7:4

Tuanga Aati b'a e na aki raraoma. Bon akea te b'ai ae e na maaka iai te uea are Retin ao Bika. E rangi ni kakamaaku uniia, ma bon akea aroia b'a ti kaanga te ai ngaiia ae a mate.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

B'aeb'aeti 3:27

Ao e bon raoiroi b'a ti na reireiniira te nano ae rau ma ngke ti uarereke.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

I-Karatia 4:18

b'a kam aonga n tauaninne i rouia. E raoiroi te tauaninne n taai nako n te bae e raoiroi, ao tiaki ti ngkana I mena iroumi.

Ebera 10:35

Ma ngaia ae kam na tai kaki aromi n nanomatoa, b'a bon iai kab'aiami ae bati ae na reke iai.

Ebera 3:14

B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.