B'aeb'aeti 3:22 - Te B'aib'ara

²² Ana akoi ma Ana tangira te UEA ae teimatoa n taai nako.

B'aeb'aeti 3:22 ပူးပေါင်းရင်းမြစ်များ

2.Tamuera 24:14

Ao e rangi ni maaku Tawita, ao e taku, “E matoatoa rineana! Ma E bon akoi te UEA, e raoiroi riki katuaaeau Irouna nakon ae N na katuaaeaki iroun temanna.”

Neemia 9:31

Ma Ko bon nanoanga man akoi, ma ngaia are, Ko aki roko n te m'aninga taekaia ke ni kamaunaiia.

Taian Areru 103:10

E aki kareke kaira n ai aron ae bon riai n reke nakoira, Ao E kaboi mwin ara bure ma ara kairua n tiaki booia ni koaua.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 69:17

Tai karabako mairoun am Toro; Bareiko, buokai, b'a I taonaki n te kaangaanga ae korakora.

Taian Areru 77:8

E a toki tangirara i rouna? E na kakoro bukin ana taeka n akoi nakoira ke E na aki?

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Ieremia 3:12

Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Taniera 9:9

Ko akoi ao Ko kakab'arabure, e ngae ngke ti aki toki ni kakaaitarako.

Maraki 3:6

Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

Ruka 1:50

E nanoangaia aomata ake a karinea man te rorona nakon te rorona.