B'aeb'aeti 2:20 - Te B'aib'ara

²⁰ Taraia Atuau! E aera ngkai Ko katuaaira n aron aei? A manga bon kang rab'ataia aia ataei aika a tangiriia tiina! A bon tiringaki ibonga ma burabeti n te Tembora!

B'aeb'aeti 2:20 ပူးပေါင်းရင်းမြစ်များ

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Taian Areru 78:64

A mate aia ibonga n te kabaang, Ao a aki kariaiakaki aine ake a mate buia b'a a na tang n nanokawaki.

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Itaia 22:2

E onrake ami kaawa n taiani karongoaa n tatakarua. A na aki mate n te buaka koraki ake a wene ni manging i nanon kawain nako nuukan te kaawa.

Ieremia 19:9

Ane e na bane te am'arake ngkana a tabe n iangoa uruan te oo ami kairiribai b'a a na tiringngkami. Ao e na rikirake bakimi n te aro are kam na bon kana irikoia raomi ni karokoa naba bon natimi.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

B'aeb'aeti 1:19

I weteia au itabon n tautaeka ma a rawa ni buokai. A mate taian ibonga ma taan kairiiri i nanon kawain nuukan te kaawa, i bukin kakaean kanaia are a na maiu iai.

B'aeb'aeti 4:10

E uota te b'ai ae moan te kakamaaku te kaangaanga are e riki; b'a a kaburoi oin natiia tiina b'a kanaia.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

B'aeb'aeti 4:16

Akea riki manga taben nanon te UEA irouia; E a bon kamaenakoia. E a aki kubariia ara ibonga ma ara taan kairiiri.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Etekiera 9:7

Ao E taku te UEA, “Kabuakaka te Tembora ni kab'arikoi taiani mate i nanon katawanangin te Tembora. Waakina ami m'akuri!” Ao a m'ananga nako n tiringiia Iteraera.

Nakoaia Ibonga 26:29

Ao ni bon arona, ane kam na bon rangi ni kainano i bukin kanami n te aro ae kam na kaniia oin natimi.

Te Tua-Kaua 9:26

Ao I tataro: Ara UEA, taiaoka n aki kamateia am Aomata. Ko a tia ni kamanenaa m'aakam ae korakora ni kamaiuia ngkoa mai Aikubita, ao Ko karikiia b'a am Aomata ni koaua.