B'aeb'aeti 2:17 - Te B'aib'ara

¹⁷ E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

B'aeb'aeti 2:17 ပူးပေါင်းရင်းမြစ်များ

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

Taian Areru 35:24

Te UEA ae Atuau, kaeta taekau n ai aron am raoiroi, ao a na aki ngareakinai aiau.

Taian Areru 35:26

A na baka ni baba ma ni bua aia iango akana ngareakinai n rawaawatau. A na taonaki n te mamaa ma te b'ainrang akana kamoamoaia n taku b'a a raoiroi riki nako iu.

Taian Areru 38:16

Tai kariaia taan ribaai b'a a na ngareakinai; ke a na kamoamoa ngkana iai te kabuanib'ai ae riki nako iu.

Taian Areru 89:42

Ko anga te tokanikai nakoia ana kairiribai; Ao Ko kakukureia ni kabaneia.

Taian Areru 89:43

Ko kakeai bonganan ana b'ai ni buaka, Ao Ko aki katokanikaia n te buaka.

Itaia 14:29

Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 40:3

Ma a bon teimatoa ni kakaitaraa, ao ngkai E a katuaaia n aron are E a tia n taekinna.

B'aeb'aeti 1:5

A tokanikai aia kairiribai, a tauia i aan m'aakaia. E bon karawawataia te UEA i bukin aia bure; A tia n uotakinako ana ataei b'a taenikain te buaka.

B'aeb'aeti 2:8

E a tia ni iangoia te UEA b'a E na urui nonon Tion; E a tia ni katika koran te kaawa b'a E na bon urua n akea nikirana; A na bane ni b'aka taian taua ma nonon te kaawa.

B'aeb'aeti 3:43

Ko taorimwiira n tiringiira; e rabunaki am Nanoanga n unim;

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Taniera 9:12

Ko karaoi nakoira baike Ko taku b'a Ko na karaoi nakoira ma ara taan tautaeka. Ko kakorakoraa riki tuuan Ierutarem nakoni kaawa tabeua n te aonnaba aio,

Mika 2:3

Ma ngaia ae e taku te UEA, “I a tia ni baaireia b'a N na karokoa te kanganga ae ab'ab'aki i aom, are ko na bon aki birinako mai iai. Ko na riai n ataia b'a e riki aei nakoim i bukin am kainikatonga. E na reke kaim, ao ane e na akea riki kakatongam.

Teb'ania 1:2

E taku te UEA, “N nang kamaunai b'aai ni kabane aika i aon te aba,

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”