B'aeb'aeti 2:15 - Te B'aib'ara

¹⁵ A na kaenaenako aomata ake a rirarikin te kaawa. A na katoutou atuia ma ni kakanikoa Ierutarem ni kaangai; “E a iranna te kaawa ngkoa ae te kabanea n raoiroi ma ni kakukurei n te aonnaba?”

B'aeb'aeti 2:15 ပူးပေါင်းရင်းမြစ်များ

2.Uea 19:21

Ao aei te b'ai ae I taekinna nakon te uea arei: “A ribaiko kaain Ierutarem ao a b'ainingareiko; a ngareakiniko mai akuum.

2.Rongorongo 7:21

E rangi n tamaroa ngkai te Tembora, ma ngkana iai te b'ai ae e riki, ao aomata akana a nakonako i rarikin te Tembora, a na mimi, ao a na titiraki ni kaangai, “E aera ngkai E a karaoa te b'ai ae moan te kakamaaku aei nakoia ana aomata ao te Tembora aei?”

Taian Areru 109:25

Ngkana a norai au kairiribai, ao a taekin taeka aika buakaka a katoutou atuia ni kaenaena.

Taian Areru 22:7

A bane ni b'ainingareai akana norai: A kaenaenaai ni wiia, ao a katoutou atuia;

Taian Areru 48:2

E rietaata ao e tamaroa Tion, ae ana maunga te Atua; ana kaawa te uea ae kakannato ao e kakukurei nakoia aomata nako i aonnaba.

Taian Areru 48:3

E a tia te Atua ni kaotia b'a te nne ni kamanomano i nanon nonon te kaawa.

Taian Areru 50:2

E oota nako mimitongina mai Tion, are moanibaan te tamaroa.

Taian Areru 64:8

E na kamaunaia i bukin aia taeka akekei; Ao a na bane ni katoutou atuia akana noriia.

Itaia 28:21

E na buakaniia te UEA n ae e rangi ni matoatoa n aron are e karaoia n te Maunga are Beratim ao n te M'arua are Kibeon. Ma n te tai aio te UEA E na karaoa te b'ai ae e kakubanako, ae kam aki kaantaningaia.

Itaia 37:22

Etekia, ko tataro nako iu i bukin Uean Aturia are Tennakeriba. Ao ngkai, aio te b'ai ae I taekinna nakon te uea anne: Aomatan Ierutarem a ribaiko mani kakanikoko; ao a ngareakiniko mai akuum.

Itaia 64:11

E a tia ni mauna n te ai Tion ao te Tembora are e tabu ike a neeneboiko iai ara bakatibu. A riki b'a b'ariko n atiibu ara auti nako ngkoa ake a rangi n tamaroa.

Ieremia 18:16

Ane e na uruaki abami, ao a na bane akana ri rarikina n taraia ma te maaku ma ni katoutou atuuia.

Ieremia 19:8

N na onika Ierutarem nakon te b'ariko ni m'akorokoro n atiibu, ao a na bane n tiaoki akana a rirarikina ma ni maaku ao a katoutoui atuiia.

Ieremia 25:18

I moanna mai Ierutarem ao kaawan nako Iuta, ao a bane ni keerikaaki man m'aakaia ma te b'ainrang te uea ma ana mataniwi nako. Ao a bane aomata ni manikangare ni kamamaaia i bukiia ma ni karika araia b'a taeka ni kamaraia.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 48:27

Kam b'ainingareia Au aomata ao kam karaoia b'a kaanga buure aika a reke ni karaoa te m'akuri.

Ieremia 51:37

E na riki B'aburon b'a te b'ariko n atiibu aika a maaerikiriki ike ti taian tiakaore aika a maeka iai. Ane a na ngare aomata, ma a na aki maaku n nakonako i buakon b'aina aika a uruaki.

B'aeb'aeti 1:21

“Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 2:16

A bane ni kakanikoko am kairiribai ma n taraiko ma te mata n riribai. A kangengei wiia ni kaenaenako ni kangai, “Ti a tia n ekinakoia! “Bon aio te bong are ti a ngae n tataningaia!”

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

Etekiera 16:13

A karaoaki am b'ai ni katamaroa man te koora ma te tirewa, ao a karaoaki am kunnikai man taian riinen aika a korotinaki. E kam'aaki kanam te kariki man te buraawa ae te kabanea ni mte, ao ko kaakana ana karewe te manibeeru ao b'aan te oriwa. Bon ti te bo botonainem ma te ueanaine,

Etekiera 16:14

ao a bane n ataia aomata nako n te aonnaba. Boni Ngai ae te UEA ae I a tia ni buokiko b'a ko na riki b'a te ateiaine ae e taatangiraki.

Etekiera 23:32

Boni Ngai ae te UEA ae te Atua ae I angan tarim are te ikawai te m'angko ae e buubura ae e kaakanoa, ae e on n uniu. Ao ngkana ko mooi man te m'angko anne, ko na b'ainingareaki ma ni kamaamaaeaki.

Etekiera 25:6

Kam ribaa Iteraera ao kam ubouboi baimi ao n tatakarua mani booa ami bootaki ni kukurei.

Etekiera 5:15

botannaomata ianena ma ni b'ainingareingkami, ma a na bon tiaoki naba ao ni maaku n te b'ai are I karaoia n uniu.

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Naum 3:19

Akea katokan rawawatam, ao a aki kona ni kamaoaki ikoakim. Ake a ongo taekan uruam a na uboi baiia ni kukurei. B'a a bane aaba nako n rootaki n am m'akuri aika a buakaka.

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

Mataio 27:39

Ao aomata ake a rikekei a taetae n iowawa nako Ina, ao a kaenaena

Mareko 15:29

Ao a taetae n iowawa nako Ina aomata ake a ri rarikina, ao a katoutou atuia ni kaenaena, ao a kangai, “E! Ngkoe ae Ko nang urua te um'antabu ao Ko na manga kateia i nanon tenibong,