B'aeb'aeti 1:20 - Te B'aib'ara

²⁰ Te UEA, an tarai rawaawatau ma korakain tamneiu! E a uruaki nanou i bukin rawaawatau n au bure. A m'aiti m'akuri n tiritiri n te kaawa, ao taian mate naba i nanon auti.

B'aeb'aeti 1:20 ပူးပေါင်းရင်းမြစ်များ

Iobi 30:27

E a bwenaua rab'atau te raraoma ma te maraki, a aki kona ni bane bongin te maraki nako Iu.

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Taian Areru 22:14

Akea korakorau, e a nako b'a kanga ai aron te ran ae kab'aroaki. Ao a bane riu n tibanako man tomaia; ao nanou ai aron te nenea ae riki n ran.

Taian Areru 38:8

I nimamate ao a aki kona n tei waeu; I ngirangira i bukini kiriween nanou.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 16:11

E uruaki nanou inanou i bukin Moaaba ao Kiri-Ereti.

Itaia 38:14

I tang n ai aron te tuwaaro; I tanginiwenei n ai aron te taobe. A uraura matau i bukin kakaaeam, te UEA. I a tira. Taiaoka nakomai buokai. E a oneaki maiu nakon ae e maai; N na aki nakonako raoi ni karokoa mateu.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 14:20

Ti a tia ni bure nakoim ma ara bakatibu.

Ieremia 2:35

Kam taku b'a akea ami bure, ao kam tangiria b'a N na aki un iroumi. Ma ngaia are, N na kateingkami n te kabowi, ao ti a nooria b'a antai ae e eti.

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 48:36

I tang inanou i bukin Moaba kaanga ai aron te tanginimate ae e aneneaki n te kaib'ab'aa. I tang i bukiia kaain te kaawa are Kira Ereti, i bukina b'a a nako kaub'aia.

B'aeb'aeti 1:11

A tang ni korakai aomatana ngke a kakaei kanaia; A rairi aia b'ai nakoia tabem'aang n te am'arake b'a aonga n aki mate. E a tang Ierutarem nakon te UEA, “Taiaoka te UEA, taraa rawaawatau.”

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 1:9

Moan te oota raoi barekarekana, ma e aki tabe ma te b'ai are e riki nakoina. E rangi ni kaakaiaki b'akana; akea ae konaa ni buokia. E a tang nakon te Atua b'a E na buokiia ngke e a tokanikai ana kairiribai i aona.

B'aeb'aeti 2:11

A tibutibu matau n tang, e a korakai tamneiu. E korakai nanou n rawaawatau i bukin kamaunakiia au aomata. A wene ni baki ataei i nanon te kawai i nuukan te kaawa.

B'aeb'aeti 5:16

Bon akea nikiran kakatongan nanora, Ti bure ao ti a matakii n rannimatara,

Etekiera 7:15

A mena n taabo nako te buaka, te aoraki, ao te baki! A na tiringaki aomata akana a maeka i tinanikun te kaawa n te buaka, ao akana a maeka i nanon taiani kaawa a na mate n te baki ke te aoraki ae e kamaamate.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Te Tua-Kaua 32:25

Ti te bo aroia aika ikawai ma ataei a na mate i nanon kawain te kaawa ao a na maaku i nanon aia auti.