B'aeb'aeti 1:15 - Te B'aib'ara

¹⁵ E ngareakiniia ni kabane au tautia aika a korakora te UEA; E kanakoa te taanga ni buaka b'a a na tiringiia au rorobuaka. E kamanatuaia au aomata n ai aron te kureebe n te tabo n toutou kureebe.

B'aeb'aeti 1:15 ပူးပေါင်းရင်းမြစ်များ

2.Uea 9:33

ao e takaarua Ieu nakoia ni kaangai, “Karenakoa te aine anne man te winto.” A karenakoa, ao e tebera te o raraana, ao e teberiia naba aoti ake a toubekaa rab'atana.

Taian Areru 119:118

Ko ribaia akana kitan am Tua; ao a aki bongana aia iango akana m'am'anaa te aba.

Itaia 28:18

Ane e na uruaki ami boraraoi ma te mate ao aia aonnaba maate. Ao i mwiina, ane e na rabuningkami naao aika a ngare ma ni b'aro.

Itaia 41:2

Antai ae e rinea te tia tautaeka mai mainiku aei? Antai ae e katokaia botannaomata ma aia uea i aoni m'aakana? E bita ana kabaang ma ana kainikatebe nakon te taaurouro are e ukaki nako n te ang.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 63:3

“Bon ti Ngai ae I toutoui taiani kureebe! Bon akea riki botannaomata aika a i buobuoki. I toutouia botannaomata nako i bukin marakin nanou ao e kiri uraura au kunnikai n raraaia.

Ieremia 13:24

N na kamaaenakoingkami, kaanga aron angin te rereua ngkana e uka nako kunin te uita ni kakibarakea nako eta.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 37:10

E ngae ngkana kam konaa ni kataenikaia aia taanga ni buaka ni kabane ma ane e na bon reke naba aia tai aika ikoaki aika nikira ni maiu ni kiitan aia autinrianna ma ni kaurarakea Ierutarem.

Ieremia 50:26

Kam roko mai keraroa, ngkami aika ana kairiribai B'aburon! Kab'arikoi taian uita man ana autinib'ai nako, ao kabuoki ni kabane, n reitaki ma b'aai ni kabane.

Ieremia 51:34

Ane a na kaangai kaain Ierutarem, “E kabuai nanora te Uea ae Nebukaneta E kaonna te manikaakang are iroura ma kaub'aira, ao e katikuira n akea ara b'ai e kab'auta te b'ai are e tangiria ao e baawarea nako nikirana.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

B'aeb'aeti 3:34

E ataia naba ngkana a kamanatuaaki tamneira i nanon karabuuti;

Taniera 3:13

Ao e rangi n un te uea n te b'ai arei, ao e kanaanako b'a a na kawaekoaaki uake teniman akekei nako matana.

Ioera 3:13

Bon tawaanan taian uita ngaiia aika a tawaa. Uoti ni karin taian tai! Bon taian kureebe aika a b'arikoriko ngaiia. Ani moana toutouaia ngkai! Ngkana arona b'a taian wain ara kairiribai, ao a na bane n taonako taian tiaeki ni kabane.

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Maraki 4:3

Ma ngkami aika kam buakaka, ngkana I karokoa te motikitaeka ae eti, ao kam na manatua kaanga taian mannang i aan te wae. Bon aei au taeka Ngai ae te UEA ae Moan te M'aaka!

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Tani Motiki-taeka 10:8

Ma ngaia are, ni bon te ririki naba are e mate iai Iaira, ao a buakanaki Iteraera irouia botannaomata aika uoua aikai. A karaoa aia m'akuri ae moan te buakaka i nanon 18 te ririki kaain Ammon nakoia Iteraera ake a maeka i Kireata, n te aono are i mainikun te Karaanga are te Ioretan are b'ainaki ngkoa irouia kaain Amora.