B'aeb'aeti 1:1 - Te B'aib'ara

¹ E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

B'aeb'aeti 1:1 ပူးပေါင်းရင်းမြစ်များ

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

2.Uea 23:33

E katika Ieoaati uean Aikubita are Neko ao e karabutinna i Ribera i rarikin Amata. I mwiina, e kairoroia aomatan Iuta b'a a na kab'aka nako ina e kaaniia aua te tan te tirewa ao e kaaniia 35 te kirokuraem te koora b'a te taekiti.

2.Uea 23:35

E kairoroia naba kaain Iuta Ieoiakim b'a a na kab'aka te roonrab'ata ae e buubura, b'a e aonga ni konaa n angan Neko te m'aiti n tirewa ao ni koora are e tangiria.

2.Rongorongo 9:26

E tautaekaniia botannaomata nako man te Karaanga are Iuberetiti i meang nakon abaia kaain Biritia i maiaki, ni karokoa tian aban Aikubita.

Etira 4:20

Ao taian uea aika a korakora aika a tia n tautaekana te m'akoro Maeao mai Ierutarem, a tia n rikorikoi taian taekiti n aekakiia nako.

Neemia 5:4

Ao a taku ake tekorakina, “Ti riai n tangoa te m'ane mairouia ake iai te m'aaka irouia i bukin kab'akaan te taekiti i bukin ara tawaana ao ara nnen aroka ni kureebe.

Neemia 9:37

A anaaki uaan kaai aika a m'aiti irouia uea ake Ko kamenakiia i aora i bukin ara bure. Ti aki konaa ni keiakin rawawatara, i bukina ngke a boni karaoa are a tangiria ni karaoia nakoira ma ara nanai ni man.

Taian Areru 122:4

A roko iai baronga nako, ake ana baronga te UEA, B'a a na katituaraoa iai te UEA, n ai aron ana taeka nakoia Iteraera.

Itaia 14:12

Ko a tia ni b'aka Ngkoe ae te itoi ni ngaina ae e raneanea! Ko kab'akaia botannaomata ake tabeua; ao ngkai ko a kab'akaaki.

Itaia 22:2

E onrake ami kaawa n taiani karongoaa n tatakarua. A na aki mate n te buaka koraki ake a wene ni manging i nanon kawain nako nuukan te kaawa.

Itaia 3:26

E na tanginiwenei te kaawa ae e buubura ao a na tekateka i aon te baareka, ao a na akea kaaina.

Itaia 49:21

ao e titiraki Ierutarem ni kaangai, “Bon tinaia ngai? N na kaanga ni bung ngkana I bon teimatoa naba n tangitang i abaia ianena? Antai ae e kaikawaia ataei aikai? ao a roko mai ia?”

Itaia 50:5

E karaoai b'a N na kakauongo ma n aki mangao ke ni biri nako.

Itaia 52:2

Tion, teirake man te baareka! Kainaomatako man te roobu ane i roroam.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Ieremia 31:7

E taku te UEA: Karaoa ami bootaki ni kukurei ao anene i bukin Iteraera, te botannaomata ae te kabanea ni korakora. Anga ami nebonebo ao takaarua, “Nakomai, Kamaiuia Am aomata, te UEA! Kamaiuia nikiraia Iteraera.”

Ieremia 40:9

Ao e taku Ketaria nako iu, “Ko aki riai ni maakuia kaain B'aburon. Bon akea te b'ai e konaa n riki nakoim, ko na maiu raoi ma n ongotaeka i roun te Uea are Nebukaneta.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Ieremia 44:2

Bon te UEA Ngai ae Moan te M'aaka, ae Atuaia Iteraera. Kam noora arou ngke I kamaunaa Ierutarem ao kaawan nako Iuta. A wene n akea kanoaia ao n uruaki n te bong aei,

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 50:23

Bon te aama B'aburon are e oroi aaba nako, ma ngkai e a wene n uruaki. Ai bon te tiaoki tera nako ia bootanaomatan nako te aonnaba!

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 1:19

I weteia au itabon n tautaeka ma a rawa ni buokai. A mate taian ibonga ma taan kairiiri i nanon kawain nuukan te kaawa, i bukin kakaean kanaia are a na maiu iai.

B'aeb'aeti 2:1

E karokoa te rootongitong ae korakora te UEA i aon Tion i bukin unna. E onika mimitongina are b'aka mai karawa nakon te urubekebeke. E na bon aki rin naba n ana Tembora n te bong are E un iai.

B'aeb'aeti 2:10

A tekateka unim'aanen Ierutarem n aki kakarongoa i aon te tano, a tauni atuia n te tano ao a kunnikainiia ni kunnikai aika a mangaingai. A kabaraaki atuia ataeinaine nako aontano.

B'aeb'aeti 4:1

E a bua raneanean ara koora ao e a mangaingai; A wene n raea atiibun te Tembora i nanon te kaawa.

B'aeb'aeti 5:16

Bon akea nikiran kakatongan nanora, Ti bure ao ti a matakii n rannimatara,

Etekiera 26:16

Ane a na ruorikaaki taian uea mai aon aia kaintokanuea, ma ni buuti kunnikai ni uea ma kunnikaia taian rinen aika a tamaroa, ao a na tekateka i aon te tano ma te ruru ni maaku. A na bon tiaoki n rongorongon taenikaimii ao a na ruru ni maaku.

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Etekiera 5:5

Bon te UEA ae te Atua Ngai, ao I a tia ni karaoa Ierutarem b'a te tabo ae te kabanea ni kakannato n te aonnaba, ao a na bane ni mimiakinna botannaomata nako.

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’