Ana Anene Toromon 8:6 - Te B'aib'ara

⁶ Ko na tai m'am'aninga taekau ao kanim'a te burenibai i baim b'a ko aonga n ururingai. E korakora riki uram'aakan te tangira nakoni m'aakan te mate, ao e korakora riki nakon te ruanimate.

Ana Anene Toromon 8:6 ပူးပေါင်းရင်းမြစ်များ

1.Rongorongo 11:18

Ao a nako Taani Buaka ake Teniman akekei ni karaba n niniia aia kaemb'a kaain Biritia ao a itiia te ran man te m'anib'a are ni mataroan te kaawa are Betereem. A uotia rikaaki nakon Tawita, ma e aki kan nimma, ao e kab'aroa te ran arei b'a te karea nakon te UEA

Taian Areru 120:4

kaniwangami bon taian kanoa ni kainikatebe aika rangi ni kakang taboia, aika kabuokaki n te m'akaro n ai!

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Taian Areru 84:2

Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

Te Otinako 28:21

ao nib'ai araia barongan Iteraera ake tengaun ma uabaronga n tatabeua nako.

Taeka n Rabakau 25:22

B'a kanga ti te bo ma ikoikotan m'akaro n ai i aon atuuia. Ao ane e na anganiko kaniwangam te UEA.

Taeka n Rabakau 6:34

i bukina b'a te bu are e a kookoo e na konaa n rangi n un ao n akea ana nanoanga ngkana e kaoka kaina.

Ana Anene Toromon 5:8

Ataeinainen Ierutarem, ngkana kam noora teuare I tangiria, ao I butingkami b'a kam na kaangai nakoina, “E a mamaara i bukin b'aruam.”

Itaia 49:16

E na koreaki taamnein am kaawa are e buubura i nanoni baim. Ko meemena n taai nako n au iango nako!

Ieremia 22:24

Te Uea ae Ieoiakin, are natin Ieoiakim te mm'aane, e ngae ngkana ko rin i baiu b'a kaanga te m'am'a ae i baiu ae kanikinaean m'aakan te uea, ma N na bon buutiiko nako mai tabonibaiu.

Akai 2:23

Ma ko na tuanga au tia m'akuri are Terub'abera b'a I a tia Ngai ae te UEA ae Moan te M'aaka n rineia, b'a e na tautaeka n arau.

Tekaria 3:9

Iotua, I a tia ni kaaki i matam te atiibu ae itiua iterana. N na korei b'aai tabeua i aon te atiibu anne, N na kab'araa ana bure te kaawa ae e on te bure aei n te bong ae ti teuana.

Warekaia Iteraera 25:11

“N na bon tia ni kamaunaia Iteraera ngke tao arona b'a e aki kakaonimaki Bineati nako Iu.

Warekaia Iteraera 5:14

ma akea am b'ai ni kakoaua.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

I-Rom 12:20

Ma kam na karaoa are taekinaki ni kaangai: “Ngkana e kan am'arake te tia ribaiko, ao kaam'arakea; ao ngkana e kani moi, ao kamoiia; b'a ngkana arom anne, ao ai aron ae ko ikoikoti m'akaron te ai i aon atuna iai.”

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.