Ana Anene Toromon 8:12 - Te B'aib'ara

¹² Bon ti au b'ai n ti ngai au nnenaroka ni kureebe! E na boni kaawakina ana tirewa Toromon ao koraki ake tem'angina a na bon kaawakina naba tib'angaia man te raka.

Ana Anene Toromon 8:12 ပူးပေါင်းရင်းမြစ်များ

Taeka n Rabakau 27:18

Kaawakina raoi te aroka ao ane e na manga anganiko uaana; tararuaa raoi am toka ao ko na neboaki.

Taeka n Rabakau 4:23

Karaua raoi kaawakin am iango b'a bon anne boton te maiu ni koaua.

Ana Anene Toromon 1:6

Ko na tai karekea taarau i bukina ngkai e b'atab'ata kuniu b'a mwiin aan te riringa. A un irou tariu; ao a kam'akurai n te nnenaroka ni kureebe, ai ngaia are I a aki tabe ma ribau.

Ana Anene Toromon 2:3

Ao ngkoe, au tangira, bon te kai ae te aaboro i buakon kain te buakonikai. E anganai te kukurei nuum; ao a karewerewe uaam.

Ana Anene Toromon 8:11

Bon iai ana nnenaroka ni kureebe Toromon i B'aara Amon, are e kaakab'aka boona nakoia tem'angina n te m'aiti ae teuana te ngaa te m'akoro n tirewa n tatabeua nako.

Ana Anene Toromon 8:13

Ko mena i nanon te nnenaroka ao a katobibiko raoraom. Tera ngke I ongo b'anaam!

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

2.I-Korinto 5:15

ao E mate i bukiia ni kabaneia, b'a a aonga n aki manga kabane maiuia akana maiu, bon i bukiia; ma a na kabane maiuia i bukin Teuare mate i bukiia, ao are E a manga uti naba i bukiia.

1.I-Tetaronike 2:19

B'a tera ara kaantaninga, ao ara kim'areirei, ao te baunuea ae ti na kamoamoaira iai? Tiaki boni ngkami i matan ara Uea are Iesu n rokona?