Ana Anene Toromon 7:5 - Te B'aib'ara

⁵ E rietaata atuum kaanga te Maunga are Karemera; e rangi ni kantara iran atuum ao e a taenikai te uea iai.

Ana Anene Toromon 7:5 ပူးပေါင်းရင်းမြစ်များ

Karikani B'aai 32:26

Ao e taku te mm'aane arei nakon Iakob'a, “Kanakoai b'a e a ngaina.” Ao e taku Iakob'a, “N na bon aki kanakoko ni karokoa ko kakab'aiaai.”

Taian Areru 68:24

Te Atua, e a noraki nakonakom irouia aomata ni bane, are m'anangam ni m'aati, te Atua ae au Uea, nako nanon am Tabo are Tabu.

Taian Areru 87:2

E tangira riki te kaawa are Ierutarem nakon taabo nako i aon Iteraera.

Taeka n Rabakau 5:19

Bon te aine ae e tikiraoi mani kakukurei, kaanga ai aron te ria ao ngkoe ko riai n anaa nanona naba i matana ma n tiku n ami tangira ae e nene.

Ana Anene Toromon 1:17

ae e mena i aan nuun te tiira ao kaai aika m'aiango.

Ana Anene Toromon 4:1

Raou ae e tangiraki, ko rangi ni kantangiraki irou, i aon te taatangiraki ngkana I taratara mai aan rabunan matam, ao ti te bo matam ma matan te taobe. A tiotio iran atuum kaanga kakateken taiani kooti aika a roko mai Kireata.

Ana Anene Toromon 4:4

E rangi ni kakateke riki roroam nakon ana taua Tawita, ae e unekenekeaki n aia otanga tautia aika ngaa.

Ana Anene Toromon 5:11

Te koora ni koaua atuuna; e m'aototo irana, ao e rooro kaanga te reeben.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Warekaia Iteraera 21:26

E a tia n tautaekana Etibon te uea are Taion, i mwiin konaakiia kaain Moaba irouna, ma anaakin abaia are i meangin te Karaanga are Arenon.

Mataio 18:20

B'a ike a botaki iai uoman ke teniman n arau, ao Ngai I mena naba iai i buakoia.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

I-Ebeto 1:22

Ao E kaaki b'aai ni kabane i aani waeni Kristo, ao E anga Kristo nakon te ekaretia b'a atuuni b'aai ni kabane;

I-Korote 1:18

Ao Ngaia bon atun te rab'ata, ae te ekaretia; Ngaia ae reke mai Rouna maiun te ekaretia, ao te moa n Nati ni kamaiuaki man te mate, b'a e aonga ni moanibaan te kakannato i aoni b'aai ni kabane.

I-Korote 2:19

ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.

Te Kaotioti 1:14

Ao moanibaan te mainaina atuna ma iran atuna; ao matana ai aron taraan uran te ai,