Ana Anene Toromon 7:13 - Te B'aib'ara

¹³ Raou ae e tangiraki, e kaonaki te ang ni boiararan te uee ae e m'aaka. I a tia ni kaawakin i bukim aekaki n uaanikai nako aika a kangkang i matan ara mataroa.

Ana Anene Toromon 7:13 ပူးပေါင်းရင်းမြစ်များ

Karikani B'aai 30:14

Ao e nakon te tawaana Reuben n tain taian te uita, ao e kunei taian manrureke. Ao e taku Nei Rakera nakon Nei Reea, “Taiaoka, anganai tabeua ana manrureke natim.”

Ana Anene Toromon 2:3

Ao ngkoe, au tangira, bon te kai ae te aaboro i buakon kain te buakonikai. E anganai te kukurei nuum; ao a karewerewe uaam.

Ana Anene Toromon 4:13

Bon taian kureebe anganibaim ae e onrake ni uaana aika kangkang ao aekaki ni boiarara nako aika enna, naaro,

Ana Anene Toromon 4:16

Ke e wai te ang meang, ao te ang maiaki naba! Ke a kakianakoa boiararan au nnenaroka, b'a e aonga n rin teuae I tangiria ma ni katoong uaana aika a kangkang.

Ana Anene Toromon 6:11

I ruorikaaki n nooria b'a a uee kaai aika akota, taiani kureebe, ao kai n am'arake.

Ana Anene Toromon 8:1

Ngke tao arona b'a m'aneu ngkoe, ao I konaa ni kiiti ma ngkoe n taabo nako ike ti kuba ni kaaitibo iai, ao akea ae e konaa ni kaburea are I karaoia.

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Ioane 15:8

E neboaki Tamau n ami kariki uaa aika bati, ao n rikimi b'a au reirei.

1.I-Korinto 16:2

Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

I-Ebeto 5:9

b'a uaan te oota, te ataataiaomata ni kabanea, ma te raoiroi, ma te koaua,

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.