Ana Anene Toromon 7:10 - Te B'aib'ara

¹⁰ Raou ae e tangiraki, am b'ai ngai, ao ko b'aruai.

Ana Anene Toromon 7:10 ပူးပေါင်းရင်းမြစ်များ

Iobi 14:15

Ao ane Ko na wewete ao N na tou, ao Ko na kukurei i rou, ngai ae kanoan Ana karikib'ai baim.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 45:11

E na tangiriko te uea i bukin tamaroam; am mataniwi ngaia, ma ngaia ae ko riai n ongeaba i rouna.

Ana Anene Toromon 2:16

Raou ae e tangiraki, Am b'ai ngai, ao au b'ai ngkoe, ngkai ko kaam'arakeia am tiibu i buakon taiani kiebu.

Ana Anene Toromon 6:3

Bon ana b'ai ngai, ao au b'ai ngaia, ngke e tabe ni kaam'arakeia ana tiibu i buakon taian kiebu.

Ana Anene Toromon 7:11

Ti a nako n nakonako i nanon taian tawaana ma ni matu n taiani kaawa aika a uarereke.

Etekiera 24:16

“Etekiera ae natin te aomata, N na anaa maiun te aomata ae ko rangi n tangiria n te tai ae e waekoa. Ma I aki tangiriko b'a ko na ngurengure ke n tang.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.