Ana Anene Toromon 7:1 - Te B'aib'ara

¹ Bon te natinuea te aine ngkoe, ao a kakateke waem i nanon am kau. Boton rangam bon ana m'akuri te tia karaob'ai ae e tabonibai, aika te naan tirewa ni kauaai;

Ana Anene Toromon 7:1 ပူးပေါင်းရင်းမြစ်များ

Karikani B'aai 32:3

Ao e kanakoa ana tia uarongorongo Iakob'a ri moana nakon tarina are Etau n te aba are Etom.

Taian Areru 45:13

E mena te aine are na iein ma te uea n te bareti-ai botonaine ra! E karaoaki ana kunnikai n te karai ae te koora.

Te Otinako 28:15

Karaoa naba te ub'a i bukiia ibonga aika a rietaata man te b'ai are e bobuaka anne. Anne te ub'a are a na kamanenaa i bukin kakaean nanou b'a tera ae I tangiria are a na karaoia au aomata.

Te Otinako 28:42

Karaoa aia kawaerake man te riinen ae kororo b'a man koreaia nakon toan rangaia, b'a a aonga n raba rab'ataia.

Te Otinako 35:35

Ao e a tia n anganiia te rabakau ni kabane ae te korobanna, n reitaki ma te rabakau ni korotamnei ao katamaroa n te karai ae e buru, ae e uraro, ao buraen te tiibu ae e uraura ao n rarangaia naba n te riinen ae e tamaroa.

Ana Anene Toromon 7:2

Butom bon te kiraati ni wain ae e taonako kanoana. E buabuaki raoi rab'atam ao e beebete taraam kaanga te b'ariko ni uita aika a kabaeaki n taiani kiebu.

Taniera 2:32

E karaoaki atuuna man te koora ae te kabanea n raoiroi; ao a karaoaki b'aab'aana ma baina n te tirewa; ao mani koreana nakon nimoimoin waena n te buraonti,

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

2.I-Korinto 6:18

N na riki b'a Tamami, ao ngkami kam na riki b'a natiu mm'aane ma natiu aine, bon ana taeka te UEA are Moan te M'aka.”

I-Ebeto 6:15

ao kauniwaeningkami n te tauraoi n taekina euangkerion te raoi.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Korote 2:19

ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.