Ana Anene Toromon 6:2 - Te B'aib'ara

² E a tia n nako raou ae e tangiraki nakon ana nnenaroka ni b'ai ni kaboiarara, ike e na kaam'arakeia iai ana tiibu man rikoi taian kiebu.

Ana Anene Toromon 6:2 ပူးပေါင်းရင်းမြစ်များ

Ana Anene Toromon 2:16

Raou ae e tangiraki, Am b'ai ngai, ao au b'ai ngkoe, ngkai ko kaam'arakeia am tiibu i buakon taiani kiebu.

Ana Anene Toromon 4:12

Au kainrou, ae bon ti au b'ai, bon te nnenaroka ngkoe, te koburake n ran ae e kainaki nakoia tem'angina.

Ana Anene Toromon 4:16

Ke e wai te ang meang, ao te ang maiaki naba! Ke a kakianakoa boiararan au nnenaroka, b'a e aonga n rin teuae I tangiria ma ni katoong uaana aika a kangkang.

Ana Anene Toromon 4:5

A rangi n tamaroa mmamam; kaanga taian ria aika a bwebwee aika a am'arake i buakon taiani kiebu.

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Ana Anene Toromon 5:13

Bon te nnenaroka ubuna ae e boiarara ni b'aai ni kaboiarara; taiani kiebu riana aika e timtim mai iai te boiarara.

Ana Anene Toromon 6:11

I ruorikaaki n nooria b'a a uee kaai aika akota, taiani kureebe, ao kai n am'arake.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 57:1

A uaakinaki nako ma n tiringaki ana Aomata te Atua aika a kakaonimaki, ao bon akea temanna ae e tabe iai. A kamaunaaki n te buakaka,

Itaia 58:11

E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Mataio 18:20

B'a ike a botaki iai uoman ke teniman n arau, ao Ngai I mena naba iai i buakoia.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Ioane 14:3

Ao ngkana I nako ni katauraoi nne i bukimi, ao N na manga oki ni kairingkami nako iu; b'a ike I mena iai, ao kam na mena naba iai.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”