Ana Anene Toromon 5:6 - Te B'aib'ara

⁶ E kaantaninga nanou ngke e taetae nako iu, ma ngke I kauka te mataroa, ao e karina ni bua raou ae e tangiraki. I kakaaea ao I takaarua, ma e aki roko n te reke irou bon akea te kaeka.

Ana Anene Toromon 5:6 ပူးပေါင်းရင်းမြစ်များ

Karikani B'aai 42:28

Ao e taku nakoia tarina ake tabeman, “E a manga kaokaki au m'ane nako iu, nooria e bon mena i nanon au baeki.” Ao a ruru ni maaku ngke a aitara mata i bon irouia, ao a taku, “Tera ae karaoia te Atua nakoira?”

2.Tamuera 16:10

Ao e kaeka Tawita ni kaangai, “Ko na aki katabea nanom iai ma tarim are Ioaba. Ngkana arona b'a e kamaraiaai Timei b'a e tuangnga te UEA, ao antai ngkami b'a kam na katokia?”

Taian Areru 28:1

Te UEA, ae nneu ni katantan, I weteiko; ongo b'anaau! Ngkana Ko aki kaekaai, ao N na ruo naba nakon aia aonnaba maate.

Taian Areru 30:7

Te UEA, Ko raoiroi nako iu; Ko kakorakoraai b'a kanga ai aroni korakoran te maunga ae nene ni matoatoa. Ma ngke Ko karaba matam mairou, ao I maaku.

Taian Areru 69:3

I a kua ni weewete i bukini buokau, ao e a b'aka buau. A kai matau n taratara nako ni kakantaninga buokau mairoum.

Taian Areru 77:3

Ngke I iangoa te Atua, ao I rawaawata ma ni b'ara nanou;

Taian Areru 80:4

Te UEA ae Te Atua are Moan te M'aaka, e na toki ningai unim n aia tataro am aomata?

Taeka n Rabakau 1:28

Kam na buubuti buokami mairou, ma N na bon aki kan ongo; kam na ukeuke, ma n na bon aki reke iroumi.

Ana Anene Toromon 5:2

I boni matu, ao I mii: E tei teuare I tangiria i matan te mataroa, e karebwerebwe ao e taku, “Raou ae e tangiraki, ae bon ti au b'ai au taobe ae akea waewaeana, kauka te mataroa nako iu! E a makuna atuu n aoin te tairiki.”

Ana Anene Toromon 5:4

Ao e kaaenakoa baina raou ae e tangiraki b'a e na kanakoa rokan te mataroa, ao I kaantaninga inanou.

Ana Anene Toromon 6:1

Te kabanea n tamaroa n aine, tuangiira b'a e nakea teuarei. Kariaia b'a ti na buokiko ni kakaaea.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

B'aeb'aeti 3:8

I takaaruaea buokau, ma E aki kan ongo te UEA;

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Otea 5:6

Kam anga te tiibu ma te kao b'a taiani karea nako iu, ma I a tia n tannako ma N na rawa ni kaotai.

Tekaria 7:13

ao I a kaangai, “Kam aki tabe ngkami aika aomata ngkana I weteingkami, ao ngkai N na aki kan ongo ngkana kam weteai.”

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Mareko 14:72

Ao e a manga tangi naba te moa. Ao Betero, e uring ana taeka Iesu ngke E kangai nako ina, “Ane ko na katenua kakeaau ngkana e tuai ni kauoua tangina te moa.” Ao ngke e uringnga, ao e tang.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.