Ana Anene Toromon 5:4 - Te B'aib'ara

⁴ Ao e kaaenakoa baina raou ae e tangiraki b'a e na kanakoa rokan te mataroa, ao I kaantaninga inanou.

Ana Anene Toromon 5:4 ပူးပေါင်းရင်းမြစ်များ

Karikani B'aai 43:30

Ao e kawaekoa n nako Ioteb'a, b'a e waerakeia te tang ngke e a tib'a noora tarina are Beniamin. E a roko i rouna ae kaanga e nang tang i mataia. Ma ngaia are, e nakon ana ru, ao e a karaua n tang iai.

Karikani B'aai 7:11

Ngke ai onobubua ana ririki ni maiu Nooa, ni katebwi ma itiuan bongin te kauoua n nam'akaina, ao a uki kawain raan ake i aan te aba n tiirake, ao a uki naba mataroan ranin karawa ni b'aro,

1.Uea 3:26

Ao e takaarua are bon tinan te teei ni kaangai, “Taiaoka! Te uea ae ko karineaki, tai tiringa natiu. I rangi n tangira natiu ma an angan neienne. Tai tiringnga.” Ao e takaarua neiere temanna ni kaangai, “E nako te kai korouaia mai i nuukana b'a ti aonga ni boraoi n akea natira.”

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

2.I-Korinto 8:16

Ma E na katituaraoaki te Atua, are kaki i nanon Tito te nano ae ti te bo ma nanora i bukini buokami.

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.