Ana Anene Toromon 5:2 - Te B'aib'ara

² I boni matu, ao I mii: E tei teuare I tangiria i matan te mataroa, e karebwerebwe ao e taku, “Raou ae e tangiraki, ae bon ti au b'ai au taobe ae akea waewaeana, kauka te mataroa nako iu! E a makuna atuu n aoin te tairiki.”

Ana Anene Toromon 5:2 ပူးပေါင်းရင်းမြစ်များ

Karikani B'aai 29:20

Ao e m'akuri Iakob'a b'a e aonga n anganaki Nei Rakera, ao ti te bo ma ti tabebong i rouna i bukin tangiran Nei Rakera.

Taian Areru 119:1

A kab'aia akana a moa n raoiroi aroia, akana ongeaba nakon ana Tua te UEA.

Taian Areru 81:10

Bon te UEA Ngai ae Atuam, ae I kairiko ni kaotinakoko mai Aikubita. Kaurea wiim ao N na kaam'arakeko.

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Ana Anene Toromon 1:16

Raou, ko rangi ni botonim'aane, ko botonim'aane n te koaua E na riki te uteute ae e mawaawa b'a ara kainiwene ngkana ti mareaki

Ana Anene Toromon 2:10

man taetae nako iu. Raou ae e tangiraki, I tangiriko! Ti a airi n nako.

Ana Anene Toromon 2:14

Bon au taobe ngkoe ae raba i buakon taiani b'a i rarikin katatin te aba. Kariaia b'a N na noora kanikanim! Kariaia b'a N na ongo b'anaam ae e tangiraoi.

Ana Anene Toromon 2:8

I ongo b'anaan te aomata ae I tangiria, ngke e tabe n eweewe i aoni maunga ma tabuki

Ana Anene Toromon 3:1

I aenako ni kakaaea teuare I tangiria i aon te kainiwene n te bong ma nanou ni koaua. I kakaaea ma bon akea ikekei.

Ana Anene Toromon 4:7

Raou ae e tangiraki, ko rangi ni kantangiraki n arom ni kabane.

Ana Anene Toromon 4:9

Au kainrou, ae bon ti au b'ai, ko a tia n iraea nanou! N ti teuana iraean taarau iroum, ao raitiitin m'aen roroam, ko a tia n iraea nanou.

Ana Anene Toromon 5:11

Te koora ni koaua atuuna; e m'aototo irana, ao e rooro kaanga te reeben.

Ana Anene Toromon 5:6

E kaantaninga nanou ngke e taetae nako iu, ma ngke I kauka te mataroa, ao e karina ni bua raou ae e tangiraki. I kakaaea ao I takaarua, ma e aki roko n te reke irou bon akea te kaeka.

Ana Anene Toromon 6:9

Bon ti ngkoe au rinerine, au taobe ae akea waewaeam, te nati ae e mamate nanon tinana i rouna. A taekina kim'areireim ateiaine, ueanaine ao tabem'aang riki ngkana a anenea neboam:

Ana Anene Toromon 7:9

E rangi ni karewerewe riki te kiiti ma ngkoe nakon nimakin te kabanea n tamaroa ni wain. Ai tamaroara ao ai kangkangira!

Ana Anene Toromon 8:7

E aki konaa ni b'ab'a te tangira n taiani marawa ke taiani ieka; e aki konaa ni kabooaki, e aoria ngkana tera ae e b'aintangiraaki.

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Itaia 52:14

A m'aiti aika a maaku n te b'ai are e riki nakoina. Ma a bane ni maaku ake a nooria i bukina ngke e maraki ni karokoa kaanga ai tiaki taraan te aomata,

Taniera 8:18

Ao ngke e tabe n taetae, ao I b'aka n tong i aontano. Ma e tauai ni baina, ao e kateirakeai. Ao e taku, “N na kaoti nakoim baika a nang riki i bukin unin te Atua. E kaineti te kaotioti anne nakon tain te toki.

Tekaria 4:1

E kautai te anera are e kab'arab'ara te mii nako iu b'a kaanga ai aron ae I matu.

Mataio 7:8

B'a ane bubuti ao e na anganaki, ao ane ukeuke ao e na karereke, ao e na kaukaki te mataroa nakon ane karebwerebwe.

Mataio 8:17

B'a e na kakoroaki bukin are e atongaki iroun Itaia are te burabeti ngke e kangai, “E kamaiura mani mamarara ao e uoti nako aorakira.”

Mareko 1:35

N te bong are i mwina, n te tai ae boni maan i m'ain otin taai, ao E uti, ao E oti nako, ao E nako n te tabo ae akea te maeka iai, ao E tataro iai.

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.

Ruka 6:12

Ni boong akekei, ao E nako Iesu nakon te maunga b'a E na tataro iai, ao E kangainaa n tataro nakon te Atua.

Ruka 9:32

Ao a matu nako Betero ma raona; ma ngke a uti, ao a nora mimitongin Iesu ma aomata ake uoman ake a tei ma Ngaia.

Ioane 10:4

Ngke a bane n oti nako ana tiibu, ao e ri moaia, ao tiibu a iria, b'a a kinaa b'anaana.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.

Te Kaotioti 3:4

Ma iai araia tem'angina i roum ikanne i Tareteiti ake a tuai ni kabaarekai kunnikaia: a na nakonako ma Ngai ni kunnikaiia ni kunnikai aika mainaina, b'a a bon tau.