Ana Anene Toromon 5:10 - Te B'aib'ara

¹⁰ E botonim'aane ao e marurung, te kabanea n rianako arona mai buakoia tebwina te ngaa.

Ana Anene Toromon 5:10 ပူးပေါင်းရင်းမြစ်များ

Taian Areru 45:17

N na karaoa ae e na ururingaki aram n rooro nako; Ao a na bane aomata nako ni kamoamoako n aki tootoki.

Taian Areru 45:2

Te kabanea ni botonim'aane ngkoe; Te tia taetae ngkoe ae ko wikateke. E aki toki ni kakab'aiako te Atua.

Ana Anene Toromon 2:1

Bon te rooti ngai man te aba are Tiaron, kiebun te m'arua.

Itaia 10:18

E na karaoai am buakonikai aika a tamaroa ao am tawaana aika a maiu reirei te UEA b'a a na karaurau ni mka nako.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

B'aeb'aeti 4:7

A itiaki riki ara uea n aine nakon te tinoo. A ura ribaia n ai aron te ane, ao a takiakia ni maiureirei n ai aron te tabeiro.

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.

I-Korote 1:18

Ao Ngaia bon atun te rab'ata, ae te ekaretia; Ngaia ae reke mai Rouna maiun te ekaretia, ao te moa n Nati ni kamaiuaki man te mate, b'a e aonga ni moanibaan te kakannato i aoni b'aai ni kabane.

Ebera 2:10

Bon te b'ai ae riai iroun te Atua, are Ngaia ae kariki b'aai ma ni kateimatoai aroia, b'a E na karaoa Iesu b'a E na bobonga raoi arona n te maraki, b'a a aonga natin te Atua aika bati ni buokanib'ai ma Iesu ni mimitongin te Atua. B'a Iesu boni Ngaia ae kairiia nakon te kamaiuaki.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

1.Tamuera 16:12

Ao kananako wetean Tawita Iete. Bon te ataei ni m'aane ngaia ae marurung rab'atana, e botonim'aane ma matana aika mata tokatoka. Ao n te tai are roko iai Tawita, ao e taku Tamuera, “Boni ngaia aei! Teirake, ao atoa b'aan te oriwa i aon atuuna.”