Ana Anene Toromon 5:1 - Te B'aib'ara

¹ Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Ana Anene Toromon 5:1 ပူးပေါင်းရင်းမြစ်များ

Karikani B'aai 37:25

Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 16:3

Ai raoiroira aroia am aomata te UEA aika kakaonimaki! Bon kakatongau irouia n tainako.

Taeka n Rabakau 24:13

E raoiroi ana karewe te manibeeru i bukimi natiu, ao e karewerewe.

Taeka n Rabakau 9:5

Kam bane ni butim'aeaki nakon te kang iriko ma te mooi wain.

Te Minita 2:5

Iai au onaroka ni uee aika a m'aiti, ao onaroka ni uanikai aika a m'aiti aika a onrake ni kaai aika a uaa.

Ana Anene Toromon 1:13

Raou, bon te boiarara ngkoe i marenan mammau;

Ana Anene Toromon 4:16

Ke e wai te ang meang, ao te ang maiaki naba! Ke a kakianakoa boiararan au nnenaroka, b'a e aonga n rin teuae I tangiria ma ni katoong uaana aika a kangkang.

Ana Anene Toromon 4:8

Au kainrou, Ti na kaai ni kiitana Reb'anon! ti na kaangai ti a boo nakon te Maunga are Amana, Tenira, ao Oman, ike a mamaeka iai raian ma reeb'ari i nanon taian nangananga ni b'a.

Ana Anene Toromon 6:11

I ruorikaaki n nooria b'a a uee kaai aika akota, taiani kureebe, ao kai n am'arake.

Ana Anene Toromon 6:2

E a tia n nako raou ae e tangiraki nakon ana nnenaroka ni b'ai ni kaboiarara, ike e na kaam'arakeia iai ana tiibu man rikoi taian kiebu.

Ana Anene Toromon 8:1

Ngke tao arona b'a m'aneu ngkoe, ao I konaa ni kiiti ma ngkoe n taabo nako ike ti kuba ni kaaitibo iai, ao akea ae e konaa ni kaburea are I karaoia.

Ana Anene Toromon 8:13

Ko mena i nanon te nnenaroka ao a katobibiko raoraom. Tera ngke I ongo b'anaam!

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Itaia 5:1

N na anenea te anene ae tangin ana nne n aroka ni kureebe raoraou are e mena n iteran te tabuki ae e maiu tanona.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Itaia 58:11

E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Itaia 66:14

Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Ruka 12:4

I tuangngkami ngkami aika raou, b'a kam na aki makuia te koraki akana kamatea te rab'ata, ao akea riki te bae a kona ni karaoia i mwina.

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

M'akuri 11:29

A reke nanoia taan onimaki i Antioka b'a a na kanakoa aia buoka n aron are e kona n reke iroun temanna ma temanna, nakoia taari ake a maeka i Iutaia.

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Tani Motiki-taeka 14:11

Ao ngke a noora aekakina arei kaain Biritia, ao a tuangiia 30 rorobuaka b'a a na memena i rarikina n tain te bootaki ni kukurei.

Tani Motiki-taeka 14:20

Ao taman ana kabae e kaieina buun Tamton ma temanna mai buakoia rorobuaka ake 30 ake a ira ngkoa ana bootaki ni kukurei Tamton.