Ana Anene Toromon 4:9 - Te B'aib'ara

⁹ Au kainrou, ae bon ti au b'ai, ko a tia n iraea nanou! N ti teuana iraean taarau iroum, ao raitiitin m'aen roroam, ko a tia n iraea nanou.

Ana Anene Toromon 4:9 ပူးပေါင်းရင်းမြစ်များ

Karikani B'aai 20:12

Bon m'aneu ngaia, b'a bon natin tamau, ma e kaokoro tinau ma ngaia, ao I a tia ni mare ma ngaia.

Karikani B'aai 41:42

Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana.

Taian Areru 45:9

I buakoia aine n am katawanang bon natiia uea, ao i angaatain am kaintokanuea ao e tei iai te ueanaine, ni katokai i aona b'aai ni katamaroa aika karaoaki man te koora ni koaua.

Taeka n Rabakau 1:9

ao katokaa i aom taian reirei kaanga ai aron te b'ara ae e taatangiraki ke te m'ae n roroa ae e rangi n tamaroa.

Taeka n Rabakau 6:25

E na aki anaaki nanom n ana kab'akab'aka ke ni maata aika a kan tangiraki mairoun temanna ae ai aron anne.

Ana Anene Toromon 1:10

E karakaa tamaroam te taabia, ao e m'aeniko n te m'aenroroa ae e karaoaki man atiibu aika a kakaawaki.

Ana Anene Toromon 1:15

Au tangira, ko rangi kantangiraki, i aon te taatangiraki matam kaanga matan te taobe.

Ana Anene Toromon 3:11

Nakomai ngkai noora te baunuea ae e anganaki Toromon iroun tinana i nanon ana bong ni mare ae e kakukurei.

Ana Anene Toromon 4:10

E karewerewe riki am tangira nakon te wain; E boiarara riki kabiram nakon taiani b'ai ni kaboiarara.

Ana Anene Toromon 4:12

Au kainrou, ae bon ti au b'ai, bon te nnenaroka ngkoe, te koburake n ran ae e kainaki nakoia tem'angina.

Ana Anene Toromon 6:12

N au iango I karina n toka i aon te kaanibuaka ae e mimitong.

Ana Anene Toromon 6:5

Katan nakoi matam b'a I a rannako iai. A tiotio iran atuum kaanga kakateken te kooti ae e nakomai mai Kireata.

Ana Anene Toromon 7:10

Raou ae e tangiraki, am b'ai ngai, ao ko b'aruai.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 62:5

A na abana te aba ami aomata, kaanga te rorobuaka n ataei ngkana e anaa te kainrou. E na kukurei te UEA iroumi, kaanga te bu te m'aane ngkana e kukurei iroun ana kainrou.

Etekiera 16:11

I anganiko te burenibai, te m'ae n roroa,

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Taniera 5:7

Ao e takaarua b'a a na kawaekoaaki taan tabunea, ma ibonga, ao taani borau. Ao ngke a rin, ao e taku te uea nakoia, “Ane e kona ni wareka te koroboki aei man tuangai nanona, ao e na karinaki te niiniira ae e uraro are aia b'ai uea, ao e na kabaeaki te m'ae ni karineaki ae te tiein ae te koora i roroana, ao e na riki b'a te kateniman ni m'aaka i nanon te abanuea.”

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Mataio 12:50

B'a ane toua mwin ana taeka Tamau are i karawa, ao bon tariu, ao m'aneu, ao tinau.”

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

1.I-Korinto 9:5

Akea ara riai b'a ti na kaiririia buura aika Kiritian, n ai aroia taan tuatua ake tabem'aang, ma tarin nako te UEA, ma Keeb'a?

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.