Ana Anene Toromon 4:6 - Te B'aib'ara

⁶ N na ienikuriai nakon taian tabuki aikai aika a bururuaki aoia n te boiarara ao N na tiku ikekei ni karokoa otin taai.

Ana Anene Toromon 4:6 ပူးပေါင်းရင်းမြစ်များ

Taian Areru 66:15

N na anganiko te tiibu b'a e na kabuokaki b'a te karea i aon te baonikarea; N na anga kaom'aane ma kooti b'a karea, ao a na waerake bubuia nakoim.

Te Otinako 20:24

Kam na karaoa te baonikarea man te tano i buku, ao kam na kabuoka i aona te karea ae ami tiibu, ao ami kao b'a ami karea ae na kabuokaki ni kabane b'a taiani karea n raoi. N na bon kawaringkami ni kakab'aiaingkami n taabo ni kabane ake I a tia ni katabui b'a ami tabo n taromauri.

Te Otinako 30:8

e na riai kabuokan te b'ai ni kaboiarara are kaakabubuaki nako iu i aon te baonikarea.

Te Otinako 37:29

Ao e rengana te b'a i bukin te katabutabu Betarera ma te b'ai ni kaboiarara ake a rengana te b'ai ni kaboiarara are e kaakabubuaki.

Ana Anene Toromon 2:17

Kaanga aongkoa te ria te teei ngkoe ae e m'am'aie i aon raabeen nako te maunga ni karokoa rokon te ngaina ma ni mauna nako te roo.

Ana Anene Toromon 3:6

Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Ana Anene Toromon 4:14

taberon, karemati, tinnamon, riibano, muura, ao te aroe b'ai ni kaboiarara aika a rangi n tamaroa.

Ana Anene Toromon 8:14

Kawaekoako nako iu, Raou ae e tangiraki! Kabirim'akako riki nakon te ria nakoni maungan taiani boiarara.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Ruka 1:78

E nanoanga man akoi Atuara, Ao E na kaota otan ana kamaiu b'a e na oota nako

2.Betero 1:19

Ma ngaia ae ti aki nanokokoraki riki n te rongorongo are a taekinna burabeti. E raoiroi iroumi b'a kam na ongo iai, i bukina b'a ai aron te taura ae ura n te tabo ae roo ni karokoa ae e nang oti taai ao e oota te itoi ni ngaina i nanomi.

1.Ioane 2:8

Ma e boni ngae n anne, ao I a korea ngkai te tua ae boou nako imi, ae iai koauana ni maiun Iesu ao ni maiumi naba; b'a e tabe ni mauna te roo, ao te oota ni koaua e a tia n oota nako.

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.