Ana Anene Toromon 4:3 - Te B'aib'ara

³ Riam kaanga taiani karai aika a toka urauraia, e tei raoi wiim; ao a raba i aan rabunan matam tabam aika tamaroan taian rooti.

Ana Anene Toromon 4:3 ပူးပေါင်းရင်းမြစ်များ

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Taian Areru 119:13

N na karakin am Tua ake Ko a tia n taekin.

Taian Areru 37:30

Iai te ataib'ai n ana taeka te aomata ae e raoiroi, Ao akea te nanonano iai.

Taian Areru 45:2

Te kabanea ni botonim'aane ngkoe; Te tia taetae ngkoe ae ko wikateke. E aki toki ni kakab'aiako te Atua.

Taeka n Rabakau 10:13

Ngkana kam iangoraoi, ao e na oti ngkana kam taetae. Ma ngkana kam nanobaba, ao kam na oreaki n te kai.

Taeka n Rabakau 31:26

E taetae ma te iango raoi, ao a rangi n nano ana taeka n reirei.

Ana Anene Toromon 1:5

I b'atab'ata ao I botonaine, kaanga te autinrianna n te rereua ke kaanga ana roki nako Toromon.

Ana Anene Toromon 4:11

Riam kaanga ngaon te manibeeru are iai ana karewe; e raanga nako te miriki ma ana karewe te manibeeru man newem. E boiarara kunnikaim ni boiararan te kai te tiira mai Reb'anon.

Ana Anene Toromon 5:13

Bon te nnenaroka ubuna ae e boiarara ni b'aai ni kaboiarara; taiani kiebu riana aika e timtim mai iai te boiarara.

Ana Anene Toromon 5:16

E karewerewe ana kiiti. I rangi ririkanaia! Ataeinainen Ierutarem, bon au tangira ao raoraou.

Ana Anene Toromon 6:7

A raba i aan rabunan matam tabam aika tamaroan taian rooti.

Ana Anene Toromon 7:9

E rangi ni karewerewe riki te kiiti ma ngkoe nakon nimakin te kabanea n tamaroa ni wain. Ai tamaroara ao ai kangkangira!

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Nakoaia Ibonga 14:4

ao e na tuatua te ibonga b'a a na uotaki nako ina uoman mannikiba aika aki kam'araa, n reitaki ma m'akoron te kai are te tiira, ma te karai ae uraura ao m'aangan te utob'a.

Nakoaia Ibonga 14:6

E na anaa te man are temanna, n ikotaki ma b'angun te kai are te tiira, ma te karai ae uraura, ao m'aangan te utob'a, ao e na kateboi ni kabane i nanon raraan te man are tiringaki.

Warekaia Iteraera 19:6

Ao te ibonga, e na karenakoa kain te tiira, m'aangan te utob'a, ao te karai ae uraura nako nanon te ai.

Warekaia Iteraera 4:8

Ao a manga rabuni baikai ni kabane n te kunnikai ae uraura, ao i mwiina manga te kunniman ae raoiroi i m'aain karinan taiani kainamo ni nneia.

Mataio 12:35

E kaoti baika raraoi te aomata ae raoiroi man ana b'ai nako aika raraoi; ao e kaoti baika bubuaka te aomata ae buakaka man ana b'ai nako aika bubuaka.

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Korote 4:6

A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.

Ebera 9:19

Ngke e a tia Moote n tuangiia aomata ni kabaneia b'aai ni kabane ake a taekinaki n te Tua, ao e anaa te burae ae uraro ae buraen te tiibu ma te kaib'ab'aa ae te utob'a ao e kamanenai ni katimtim'a iai raraaia bun ni kaao ma kooti, ma te ran i aoia aomata ni kabaneia ma te nira ni boki;

Iotua 2:18

Aio te b'ai ae ko riai ni karaoia. Ko na kabaea te kabae ae uraura n te winto are ko nnaira mai iai. Ngkana ti buakana te kaawa aei, ao ko na bootia tamam, ma tinam, ma m'anem nako, ma ana utu tamam ni kabane i nanon te auti aei.