Ana Anene Toromon 3:6 - Te B'aib'ara

⁶ Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Ana Anene Toromon 3:6 ပူးပေါင်းရင်းမြစ်များ

Te Otinako 30:34

Rengan taian b'ai ni kaboiarara i bukin te am'arake ake a boobuaka ni kaboraoi m'aitiia, aika te titakite, onika, ao te riibano ni koaua,

Taeka n Rabakau 7:17

Ao I a tia ni kaboiararai ni boiarara aika a karaoaki man te muura te aroe, ao te tineman.

Ana Anene Toromon 1:13

Raou, bon te boiarara ngkoe i marenan mammau;

Ana Anene Toromon 1:3

ao ko rangi ni boiarara. A bane ataeinaine n tataaniko; kaanga ai aron kianakon te boiarara tataekinan aram.

Ana Anene Toromon 3:7

Bon te uea are Toromon ae e uotaki i aon ana kaintokanuea, ao e katobibiaki irouia onongaun ana tautia Iteraera aika a bane aroia.

Ana Anene Toromon 4:6

N na ienikuriai nakon taian tabuki aikai aika a bururuaki aoia n te boiarara ao N na tiku ikekei ni karokoa otin taai.

Ana Anene Toromon 5:13

Bon te nnenaroka ubuna ae e boiarara ni b'aai ni kaboiarara; taiani kiebu riana aika e timtim mai iai te boiarara.

Ana Anene Toromon 5:5

Ngke I teirake b'a N na kauka te mataroa, ao e a waawaanako te boiarara mani baiu ao tabonibaiu.

Ana Anene Toromon 8:5

Antai te ateiaine aei ae e roko man te rereua man raraa angan teuare e tangiria? I kakiriwea am tangira i aan te kai ae te aboro ike ko bungiaki iai.

Itaia 43:19

I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Ieremia 2:2

n na nako Ierutarem ma n tuangiia aomata nako te b'ai are E a tia n taekinna: Kam tangirai ngkoa ngke kam moan riki b'a au kabae ao kam irai i nanon te rereua ae akea kaina.

Ieremia 31:2

I akoia aika a biri nako i nanon te rereua b'a a na rawei maiuia man te mate. I anganiia te rau, ao ngkana e roko raoi te tai, N na karaoa naba aei nako imi. Bon aei Au taeka Ngai ae te UEA.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Mataio 2:11

Ao ngke a rin n te auti, ao a nora te merimeri ma Nei Maria are tinana, ao a katorobubua ni bobaraaki n taromauriia, ao a kaotinakoi aia b'aintangira aika koora, ma te riibano, ma te muura, ao a angan te merimeri.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

Te Kaotioti 12:14

Ao e anganaki neierei bain te ikare aika uaai aika ab'ab'aki, b'a e na kibakiba nakon te rereua nakon ana tabo, ike e na tararuaki iai i nanon tenua ma te iterana te ririki, ao ike e raroa nako iai mairoun te naeta.

Te Kaotioti 12:6

Ao e biri nako te aine arei nakon te rereua, nakon te tabo are E katauraoia te Atua i bukina, ike e na tararuaki iai i nanon tengaa ao uabubua ao onongaun te bong.

Te Kaotioti 18:13

ma te tineman, ma te amomum, ma baika boiarara, ma muura, ma riibano, ma te wain, ma b'aan te oriwa, ma te buraawa ae karaoaki raoi man uita, ma uita aika tuai n riki ni buraawa, ma kaao, ma tiibu, ma aoti, ma kaa aika katikitikaki irouia aoti, ma tooro, ma taenikai.

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.