Ana Anene Toromon 3:4 - Te B'aib'ara

⁴ Bon i mwiin anne, ao e a reke irou. I taumatoaia ao I aki manga kanakoa, ao I kairiia ni karokoa ti roko n ana auti tinau.

Ana Anene Toromon 3:4 ပူးပေါင်းရင်းမြစ်များ

Karikani B'aai 32:26

Ao e taku te mm'aane arei nakon Iakob'a, “Kanakoai b'a e a ngaina.” Ao e taku Iakob'a, “N na bon aki kanakoko ni karokoa ko kakab'aiaai.”

Taeka n Rabakau 4:13

Baimatoa au reirei ao ko na aki kanakoi. E na bon anganiko kakaawakin te maiu aei.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Ana Anene Toromon 1:7

Raou, I tangiriko! Ko kakaam'arakeia ia am tiibu ao ko kamotirawaia ia n te tawanou? Tai kataia n tuangiia tiibu b'a ana taraai b'a I buakaka Bon tiaki ngai temanna mai buakoia aine aika a aki mamaamaa n iririia taani kaawakintiibu.

Ana Anene Toromon 6:12

N au iango I karina n toka i aon te kaanibuaka ae e mimitong.

Ana Anene Toromon 7:5

E rietaata atuum kaanga te Maunga are Karemera; e rangi ni kantara iran atuum ao e a taenikai te uea iai.

Ana Anene Toromon 8:2

I konaa ni kairiko nakon mwengan tinau, are e reireinai b'aai ni kabane aika I atai. I konaa n anganiko te wain ae e kangkang ma ranin uaanikai naba.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Ieremia 29:13

Ane kam na taromauriai ma nanomi ni koaua, ao N na raraoningkami

B'aeb'aeti 3:25

E raoiroi te UEA nakoia ake a onimakinna.

Mataio 28:9

Ao noria, E bo ma ngaiia Iesu, ao E taku, “Kam na mauri.” Ao a nako Ina n taua waena, ao a taromauriia.

Mataio 7:7

Bubuti, ao ane kam na anganaki; ukeuke, ao ane kam na karereke; karebwerebwe, ao ane e na kaukaki nako imi.

I-Rom 8:35

Antai ae na karaureira ma tangirara irouni Kristo? Te rawawata, ke te maraki, ke te b'ainikirinaki, ke te rongo, ke te aki-kunnikaiaki, ke te kabuanib'ai, ke te mate?

I-Rom 8:39

ke te rietaata, ke te rinano, ao e aki kona naba te b'ai teuana ae karikaki, ni karaureira ma tangirara iroun te Atua, are i nanoni Kristo Iesu are ara UEA.

I-Karatia 4:26

Ma te Ierutarem are i Karawa e inaomata, ao bon tinara.