Ana Anene Toromon 3:1 - Te B'aib'ara

¹ I aenako ni kakaaea teuare I tangiria i aon te kainiwene n te bong ma nanou ni koaua. I kakaaea ma bon akea ikekei.

Ana Anene Toromon 3:1 ပူးပေါင်းရင်းမြစ်များ

Taian Areru 22:2

Atuau, I weteiko ni ngaina ao ni bong, ma Ko aki kaekaai; ma ngaia ae I aki kona n rau.

Taian Areru 4:4

Ngkana kam un ao tai bure; iangoa raoi aei, n ami tai ae kabuingoingo i aon nnemi ni wene.

Taian Areru 6:6

I kua i bukini korakoran rawawatan nanou; e tingo nneu ni wene n te tairiki ae koraki i bukin tangiu; ao e rangi n roto uningau n rannimatau.

Ana Anene Toromon 1:7

Raou, I tangiriko! Ko kakaam'arakeia ia am tiibu ao ko kamotirawaia ia n te tawanou? Tai kataia n tuangiia tiibu b'a ana taraai b'a I buakaka Bon tiaki ngai temanna mai buakoia aine aika a aki mamaamaa n iririia taani kaawakintiibu.

Ana Anene Toromon 5:6

E kaantaninga nanou ngke e taetae nako iu, ma ngke I kauka te mataroa, ao e karina ni bua raou ae e tangiraki. I kakaaea ao I takaarua, ma e aki roko n te reke irou bon akea te kaeka.

Ana Anene Toromon 5:8

Ataeinainen Ierutarem, ngkana kam noora teuare I tangiria, ao I butingkami b'a kam na kaangai nakoina, “E a mamaara i bukin b'aruam.”

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

Ioane 11:29

Ngke e ongo aei Nei Maria, ao e waekoa n teirake ao e nakoina.

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;