Ana Anene Toromon 2:4 - Te B'aib'ara

⁴ Ko kairai nakon am ru i bukin am baka n am'arake ao ko kab'aroa am tangira.

Ana Anene Toromon 2:4 ပူးပေါင်းရင်းမြစ်များ

Etita 7:7

Ao e teirake te uea i bukin marakin nanona, e kiitana te ru arei, ao e otinako nakon nnenarokan te bareti. E kakoauaa raoi Aaman b'a te uea e na bon katuaaea i bukin te b'ai aei. Ma ngaia are, e tiku i rarikin te ueanaine ni buubutiia b'a e na kamaiua.

Iobi 1:10

Ko aki toki ni kakawakinna ma ana utu ni kabane. Ko kakab'aiai b'aai ni kabane ake e karaoi, ao ko anganna ana kao aika m'aiti ni kaona te aba ae b'anin.

Taian Areru 20:5

Ao ti na takaakaa ni kim'areirei i bukin am tokanikai; ao ti na kamoamoaa te Atua ni katioan am maniua n tokanikai. E na kaekai am bubuti ni kabane te UEA.

Taian Areru 60:4

Ko a tia ni kanakoa am Taeka ni Katauraoi nakoia ake iai karineam irouia, b'a a aonga ni maiu man te kabuanib'ai ngkana e roko.

Taian Areru 84:10

E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.

Ana Anene Toromon 1:1

Bon aei ana anene Toromon ae e rangi n tamaroa.

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Ana Anene Toromon 5:1

Au kainrou, ae bon ti au b'ai, I roko nakon au nnenaroka ao I kukurei ni boiararana. I kang kanau ake ngaon ao ana karewe te manibeeru; ao I nima nimau are te wain ao te miriki. Am'arake ao mooi ni karokoa kam a manging n te tangira.

Ana Anene Toromon 6:4

Raou ae ko rangi n tangiraki, a aki tamaroa riki nakoim kaawa aika Tireta ao Ierutarem. A m'aaka riki am tabunea nakon taiani itoi ni kabane ake i karawa.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.